ദുബായ് : ദുബായിലേക്ക് എട്ട് നഗരങ്ങളിൽ നിന്നുള്ള വിമാന സര്‍വീസുകള്‍ ഇനിയൊരു അറിയിപ്പുണ്ടാകുന്നതു വരെ നിര്‍ത്തിവെച്ചതായി എമിറേറ്റ്സ് എയര്‍ലൈന്‍സ് അറിയിച്ചു. ഡിസംബര്‍ 28, ഇന്നലെ മുതല്‍ തീരുമാനം പ്രാബല്യത്തില്‍ വന്നു. നിരോധനം ഏർപ്പെടുത്തിയിരിക്കുന്ന
രാജ്യങ്ങളിൽ നിന്നുള്ള യാത്രക്കാരെയും ട്രാന്‍സിറ്റ് യാത്രക്കാരേയും അനുവദിക്കില്ലെന്ന് വെബ്‍സൈറ്റില്‍ പ്രസിദ്ധീകരിച്ച അറിയിപ്പില്‍ പറയുന്നു.
വിമാന സർവീസ് നിർത്തിവെച്ച് സ്ഥലങ്ങൾ
1. ഗിനിയുടെ തലസ്ഥാനമായ കൊണാക്രി
2. ടാന്‍സാനിയയിലെ ദാര്‍ എസ് സലാം
3. ഐവറികോസ്റ്റിലെ അബീദ്‌ജാൻ
4. ഘാനയുടെ തലസ്ഥാനമായ അക്ര
5. എത്യോപ്യന്‍ തലസ്ഥാനമായ അഡിസ് അബെബ
6. യുഗാണ്ടയിലെ എന്റബ്ബി
7. അംഗോളയിലെ ലുവാൻഡ,
8. കെനിയയിലെ നെയ്‍റോബി,
അതേസമയം, ദുബായിൽ നിന്നും ഈ നഗരങ്ങളിലേക്കുള്ള സര്‍വീസുകള്‍ തടസമില്ലാതെ തുടരും എന്ന് അധികൃതർ അറിയിച്ചു. കൊവിഡ് പ്രതിരോധത്തിന്റെ ഭാഗമായി നാല് രാജ്യങ്ങളില്‍ നിന്നുള്ള യാത്രക്കാര്‍ക്ക് യുഎഇ നേ രത്തെ വിലക്ക് ഏർപ്പെടുത്തിയരുന്നു. ഇതിന് പിന്നാലെയാണ് എമിറേറ്റ്സിന്റെ അറിയിപ്പ് എത്തിയിരിക്കുന്നത്.
ليست هناك تعليقات:
إرسال تعليق