ദുബൈയിൽ ഡോക്ടർമാർക്ക് സോഷ്യൽ മീഡിയ അക്കൗണ്ടുകൾ സംബന്ധിച്ച് പുതിയ നിർദേശം

പ്രഫഷനൽ, വ്യക്തിഗത അക്കൗണ്ടുകൾ വേർതിരിക്കണം; രോഗികളുമായി പേഴ്സനൽ അക്കൗണ്ട് വഴി ആശയവിനിമയം പാടില്ല

ദുബൈ:ഡോക്ടർമാർ സോഷ്യൽ മീഡിയയിൽ പ്രഫഷനൽ അക്കൗണ്ടും വ്യക്തിഗത (പേഴ്സനൽ) അക്കൗണ്ടും പ്രത്യേകം നിലനിർത്തണമെന്ന് ദുബൈ ഹെൽത്ത് അതോറിറ്റി (DHA) നിർദേശം നൽകി. വ്യക്തിഗത അക്കൗണ്ട് വഴി രോഗികളുമായി ആശയവിനിമയം നടത്തരുതെന്നും അതോറിറ്റി മുന്നറിയിപ്പ് നൽകി. സോഷ്യൽ മീഡിയയിലൂടെയുള്ള ആരോഗ്യസേവനങ്ങൾ കൂടുതൽ നിയന്ത്രിതവും നിയമാനുസൃതവുമാക്കുന്നതിന്റെ ഭാഗമായാണ് പുതിയ നിർദേശം. DHA ലൈസൻസിൽ രേഖപ്പെടുത്തിയിരിക്കുന്ന ഔദ്യോഗിക പേര്, തസ്തിക, വിദ്യാഭ്യാസ യോഗ്യത, സ്പെഷാലിറ്റി എന്നിവ മാത്രമേ പ്രഫഷനൽ സോഷ്യൽ മീഡിയ അക്കൗണ്ടുകളിൽ ഉപയോഗിക്കാവൂ.

ലൈസൻസിൽ രേഖപ്പെടുത്തിയിട്ടില്ലാത്ത ‘കോസ്മെറ്റിക് എക്സ്പർട്ട്’, ‘ബ്യൂട്ടി എക്സ്പർട്ട്’തുടങ്ങിയ പദവികളോ വിശേഷണങ്ങളോ ഉപയോഗിക്കാൻ പാടില്ല. അംഗീകൃത മെഡിക്കൽ ബിരുദമോ പി.എച്ച്.ഡിയോ ഉള്ളവർക്ക് മാത്രമാണ് ‘ഡോക്ടർ’ എന്ന പദവി ഉപയോഗിക്കാൻ അനുമതിയുള്ളത്. അതേസമയം, രോഗികളുടെ വ്യക്തിഗത വിവരങ്ങളും ചിത്രങ്ങളും പൂർണമായും സ്വകാര്യമായി സൂക്ഷിക്കണം. രോഗിയുടെ വിവരങ്ങളോ ചിത്രങ്ങളോ സോഷ്യൽ മീഡിയയിൽ പങ്കുവയ്ക്കുന്നതിന് മുമ്പ് രേഖാമൂലമുള്ള സമ്മതം നിർബന്ധമാണ്. 18 വയസ്സിന് താഴെയുള്ള രോഗികളാണെങ്കിൽ രക്ഷിതാവിന്റെ രേഖാമൂലമുള്ള അനുമതിയും വാങ്ങണം.

ദുബൈയിൽ താൽക്കാലികമായി സേവനം നൽകാനെത്തുന്ന സന്ദർശക ഡോക്ടർമാർക്കുംഈ സോഷ്യൽ മീഡിയ മാനദണ്ഡങ്ങൾ ബാധകമാണ്. രോഗികളുടെ സ്വകാര്യത സംരക്ഷിക്കുന്നതിനൊപ്പം, സോഷ്യൽ മീഡിയയിലൂടെ ആരോഗ്യസേവനങ്ങൾ നൽകുമ്പോൾ ഡോക്ടർമാരുടെ ഔദ്യോഗിക യോഗ്യതയും പ്രഫഷനൽ പദവിയും കൃത്യമായി പ്രതിഫലിക്കുന്നുവെന്ന് ഉറപ്പാക്കുകയാണ് നിർദേശങ്ങളുടെ പ്രധാന ലക്ഷ്യം.

സ്കൂളിൽ മൊബൈൽ ഫോൺ കൊണ്ടുവന്നാൽ ഒരു മാസം പിടിച്ചുവയ്ക്കും

വീണ്ടും നിയമം ലംഘിച്ചാൽ അധ്യയന വർഷം മുഴുവൻ ഫോൺ തിരികെ നൽകില്ല

അബൂദബി: യു.എ.ഇയിലെ പുതിയ അധ്യയന വർഷം ആരംഭിച്ചതോടെ സ്കൂളുകളിൽ മൊബൈൽ ഫോൺ അനധികൃതമായി ഉപയോഗിക്കുന്ന വിദ്യാർഥികൾക്കെതിരെ കർശന നടപടി. സ്കൂൾ ക്യാമ്പസിൽ മൊബൈൽ ഫോൺ കണ്ടെത്തിയാൽ ആദ്യ തവണ ഒരു മാസത്തേക്ക് ഫോൺ അധികൃതർ പിടിച്ചുവയ്ക്കും. വീണ്ടും നിയമലംഘനം നടത്തിയാൽ അധ്യയന വർഷം അവസാനിക്കുന്നതുവരെ ഫോൺ സ്കൂൾ അധികൃതരുടെ കസ്റ്റഡിയിൽ സൂക്ഷിക്കും. ഫോൺ പിടിച്ചെടുത്ത വിവരം ഉടൻ രക്ഷിതാക്കളെ അറിയിക്കണം. പിടിച്ചുവയ്ക്കുമ്പോൾ രക്ഷിതാവ് ‘ഫോം 24’ ഒപ്പിട്ട് നൽകണം. ഫോൺ തിരികെ നൽകുമ്പോൾ ‘ഫോം 25’ പ്രകാരം രേഖപ്പെടുത്തുകയും വേണം. വിദ്യാർഥികളുടെ പെരുമാറ്റച്ചട്ടവുമായി ബന്ധപ്പെട്ട 2018ലെ 851-ാം നമ്പർ മന്ത്രാലയ ഉത്തരവിന്റെ അടിസ്ഥാനത്തിലാണ് നടപടികൾ.

🔍 ബാഗുകൾ പരിശോധിക്കാം; ശരീരപരിശോധന പാടില്ല

മൊബൈൽ ഫോൺ കണ്ടെത്തുന്നതിനായി സ്കൂളുകൾക്ക് വിദ്യാർഥികളുടെ ബാഗുകളും മറ്റ് സാധനങ്ങളും പരിശോധിക്കാം. എന്നാൽ വിദ്യാർഥികളുടെ സ്വകാര്യത പൂർണമായി സംരക്ഷിക്കണം. പരിശോധനയ്ക്കിടെ സ്കൂൾ ജീവനക്കാർ വിദ്യാർഥിയുടെ ശരീരത്തിൽ സ്പർശിക്കാൻ പാടില്ല. പരിശോധനാ കമ്മിറ്റിയുടെ സാന്നിധ്യത്തിൽ പോക്കറ്റുകളിലോ ബാഗുകളിലോ ഉള്ള സാധനങ്ങൾ പുറത്തെടുക്കാൻ വിദ്യാർഥിയോട് ആവശ്യപ്പെടാം. അനധികൃതമോ അധാർമികമോ ആയ പ്രവർത്തനങ്ങൾക്ക് ഫോൺ ഉപയോഗിക്കുന്നതും അധ്യാപകരുടെയോ വിദ്യാർഥികളുടെയോ ചിത്രങ്ങൾ അനുമതിയില്ലാതെ പകർത്തുന്നതും ഗുരുതര അച്ചടക്കലംഘനമായി കണക്കാക്കും. ഇത്തരം സംഭവങ്ങൾ കുട്ടികളുടെ സംരക്ഷണവുമായി ബന്ധപ്പെട്ട പ്രത്യേക അതോറിറ്റിക്ക് കൈമാറുകയും ശക്തമായ നടപടി സ്വീകരിക്കുകയും ചെയ്യും.

⌚ സ്മാർട്ട് വാച്ചിനും ഗെയിമിങ് ഉപകരണങ്ങൾക്കും നിയന്ത്രണം

മൊബൈൽ ഫോണിന് പുറമെ സ്മാർട്ട് വാച്ചുകൾ, ഗെയിമിങ് ഉപകരണങ്ങൾ തുടങ്ങിയവയ്ക്കും നിരവധി സ്കൂളുകൾ നിയന്ത്രണം ഏർപ്പെടുത്തിയിട്ടുണ്ട്. ടാബ്‌ലെറ്റുകളും ഐപാഡുകളും അധ്യാപകർ നിർദേശിക്കുന്ന വിദ്യാഭ്യാസ ആവശ്യങ്ങൾക്കായി മാത്രമേ ഉപയോഗിക്കാവൂ. വിദ്യാഭ്യാസ മന്ത്രാലയത്തിന്റെ കീഴിലുള്ള സ്കൂളുകളിൽ ഈ നിയമങ്ങൾ ബാധകമാണ്. അതേസമയം, മറ്റ് കരിക്കുലങ്ങൾ പിന്തുടരുന്ന സ്വകാര്യ സ്കൂളുകൾക്ക് സ്വന്തം ഉപകരണ ഉപയോഗ നയങ്ങൾ രൂപീകരിക്കാനും നടപ്പാക്കാനും കഴിയും.

സെപ്റ്റംബർ 7 മുതൽ യു.എ.ഇയിലെ പൊതുവിദ്യാലയങ്ങളിൽ പുതിയ സമയക്രമം

അബൂദബി: പുതിയ അധ്യയന വർഷത്തിന്റെ ഭാഗമായി യു.എ.ഇയിലെ പൊതുവിദ്യാഭ്യാസ സ്ഥാപനങ്ങളിൽ സെപ്റ്റംബർ 7 മുതൽ പുതിയ സ്കൂൾ സമയക്രമം നിലവിൽ വരും. കിൻഡർഗാർട്ടൻ (കെ.ജി) മുതൽ സൈക്കിൾ 1, 2, 3 വരെയുള്ള വിദ്യാർഥികൾക്കും അധ്യാപകർക്കുമുള്ള സമയക്രമമാണ് വിദ്യാഭ്യാസ മന്ത്രാലയം പ്രഖ്യാപിച്ചത്. ഓരോ വിദ്യാഭ്യാസ ഘട്ടത്തിനും ആൺകുട്ടികൾക്കും പെൺകുട്ടികൾക്കും പ്രത്യേകം സമയക്രമം നിശ്ചയിച്ചിട്ടുണ്ട്. വെള്ളിയാഴ്ചകളിൽ പ്രത്യേക സമയക്രമവും ഉണ്ടായിരിക്കും.

തിങ്കൾ മുതൽ വ്യാഴം വരെയുള്ള ദിവസങ്ങളിൽ ചില ക്ലാസുകൾ രാവിലെ 7.15ഓടെ ആരംഭിക്കും. പെൺകുട്ടികളുടെ ക്ലാസുകൾ ഉച്ചയ്ക്ക് 3.15ന് അവസാനിക്കും. കെ.ജി വിദ്യാർഥികളുടെ ക്ലാസുകൾ ഉച്ചയ്ക്ക് ഒന്നിന് പൂർത്തിയാകും. വിദ്യാർഥികളുടെ പ്രായവും വിദ്യാഭ്യാസ ഘട്ടവും പരിഗണിച്ചാണ് വിവിധ സമയക്രമങ്ങൾ നിശ്ചയിച്ചിരിക്കുന്നത്.

പുതിയ സമയക്രമം അനുസരിച്ച് സ്കൂൾ പ്രവർത്തനങ്ങൾ കൂടുതൽ ക്രമീകരിക്കുന്നതിനാണ് മന്ത്രാലയം നടപടി സ്വീകരിച്ചത്. വിദ്യാർഥികളും രക്ഷിതാക്കളും അധ്യാപകരും തങ്ങളുടെ വിദ്യാഭ്യാസ ഘട്ടത്തിനും വിഭാഗത്തിനും ബാധകമായ സമയക്രമം കൃത്യമായി പാലിക്കണമെന്ന് അധികൃതർ അറിയിച്ചു.

സ്കൂ‌ൾ ബസിന്റെ ‘സ്റ്റോപ്പ്’ ബോർഡ് അവഗണിച്ചാൽ 1,000 ദിർഹം പിഴ; 10 ബ്ലാക്ക് പോയന്റ്

 അബൂദബി: വേനലവധിക്ക് ശേഷം സ്‌കൂളുകൾ വീണ്ടും തുറന്ന സാഹചര്യത്തിൽ വിദ്യാർഥികളുടെ സുരക്ഷ ഉറപ്പാക്കാൻ ഡ്രൈവർമാർക്ക് മുന്നറിയിപ്പുമായി അബൂദബി പൊലീസ്. കുട്ടികളെ കയറ്റുന്നതിനോ ഇറക്കുന്നതിനോ വേണ്ടി സ്‌കൂൾ ബസ് നിർത്തി ‘സ്റ്റോപ്പ്’ ബോർഡ് പുറത്തേക്ക് തുറന്നാൽ, സമീപത്തുള്ള മറ്റു വാഹനങ്ങൾ നിർബന്ധമായും നിർത്തണം. ബസിന്റെ ഇരുവശത്തുനിന്നും വരുന്ന വാഹനങ്ങൾ ബസിൽ നിന്ന് കുറഞ്ഞത് അഞ്ച് മീറ്റർ അകലെ നിർത്തിയിടണമെന്നും പൊലീസ് നിർദേശിച്ചു.

കുട്ടികൾക്ക് സുരക്ഷിതമായി റോഡ് മുറിച്ചുകടക്കാനും ഡ്രൈവർമാർക്ക് അവരെ വ്യക്തമായി കാണാനും വേണ്ടിയാണ് അഞ്ച് മീറ്റർ അകലം പാലിക്കേണ്ടത്. സ്‌കൂൾ ബസിന്റെ ‘സ്റ്റോപ്പ്’ ബോർഡ് അവഗണിച്ച് വാഹനം മുന്നോട്ടെടുക്കുന്നവർക്ക് 1,000 ദിർഹം പിഴയും ഡ്രൈവിങ് ലൈസൻസിൽ 10 ബ്ലാക്ക് പോയന്റും ലഭിക്കും. വിദ്യാർഥികളുടെ സുരക്ഷയിൽ വീഴ്ച വരുത്തുന്ന ഇത്തരം നിയമലംഘനങ്ങൾക്കെതിരെ കർശന നടപടി സ്വീകരിക്കുമെന്നും പൊലീസ് വ്യക്തമാക്കി.

രാവിലെയും വൈകീട്ടും സ്‌കൂൾ മേഖലകളിലും താമസകേന്ദ്രങ്ങളിലും ഗതാഗതത്തിരക്ക് വർധിക്കുന്നതിനാൽ ഡ്രൈവർമാർ കൂടുതൽ ജാഗ്രത പാലിക്കണം. വാഹനത്തിന്റെ വേഗത കുറയ്ക്കുകയും സ്‌കൂൾ ബസുകൾക്കും കുട്ടികൾക്കും സമീപം പ്രത്യേക ശ്രദ്ധ നൽകുകയും വേണം. വിദ്യാർഥികളുടെ സുരക്ഷ എല്ലാവരുടെയും കൂട്ടുത്തരവാദിത്തമാണെന്നും അബൂദബി പൊലീസ് ഓർമിപ്പിച്ചു.

Dubai Offers Five-Year Multiple-Entry Tourist Visa

GDRFA explains eligibility, documents and application process for frequent visitors

Dubai: The General Directorate of Identity and Foreigners Affairs (GDRFA) – Dubai has explained the eligibility criteria, required documents and application procedure for the five-year multiple-entry tourist visa. The visa allows tourists to enter the UAE multiple times during its five-year validity. Visitors can stay for up to 90 consecutive days per entry and may extend their stay for another 90 days, subject to the applicable conditions. However, the total stay in the UAE cannot exceed 180 days in a year. The visa will make travel easier for those who regularly visit Dubai, as they will not need to apply for a new tourist visa for every trip.

Eligibility and required documents: Applicants must hold a passport valid for at least six months. They must also provide a bank statement showing a minimum balance of US$4,000 or its equivalent during the previous six months. Other required documents include a recent personal photograph, valid health insurance, a return or onward ticket from the UAE, proof of residence and proof of identity.

How to apply: Applications can be submitted through the GDRFA Dubai digital services platform. After logging in with UAE Pass or a username, applicants should select the five-year multiple-entry tourist visa service, complete the application, upload the required documents and pay the applicable fee. Once approved, the electronic visa will be sent by email. The digital service is available 24 hours a day, according to current service information. Applicants can also submit their applications through Amer Centres, with the service expected to be completed within 48 hours.

No Homework for Young Students in UAE Schools Next Academic Year

Screen time to be limited in classrooms | Books and pens to take priority over digital devices

Abu Dhabi: The UAE Ministry of Education has announced major changes to the learning system for the 2026-27 academic year, which begins on August 31. Education Minister Sarah Yousuf Al Amiri announced that students from KG1 to Grade 2 will not be given homework. The decision will apply to public schools as well as private schools under the Ministry of Education. The move aims to reduce the burden of homework and worksheets while encouraging children to read more, develop stronger thinking skills and support their overall mental development. It will also give young students more time to play and spend with their families.

The Ministry will also reduce screen time in classrooms. For students up to Grade 6, the use of digital devices such as tablets and laptops will be reduced for core subjects including Arabic, English, mathematics and science. Instead, greater emphasis will be placed on traditional learning using books and pens. The move is based on findings that reducing digital learning and using traditional methods can help improve students’ concentration and learning quality.

However, technology will not be removed completely from schools. Screen-based learning will continue for subjects such as computer science and artificial intelligence (AI). The Ministry said the new digital-use guidelines are designed to improve students’ attention and behaviour while supporting their academic development. Overall, the reforms aim to create a more balanced education system that gives greater importance to practical knowledge, skills development, reading and children’s overall growth.

കള്ളപ്പണം വെളുപ്പിക്കൽ: യുഎഇയിൽ കർശന നിയമം; പ്രവാസികൾ ജാഗ്രത പാലിക്കണം

ദുബൈ:കള്ളപ്പണം വെളുപ്പിക്കൽ, അനധികൃത സാമ്പത്തിക ഇടപാടുകൾ, ഭീകരവാദത്തിന് സാമ്പത്തിക സഹായം നൽകൽ തുടങ്ങിയ കുറ്റകൃത്യങ്ങൾക്കെതിരെ യുഎഇയിൽ കർശന നിയമനടപടികളാണ് നിലവിലുള്ളത്. സാമ്പത്തിക ഇടപാടുകൾ സുതാര്യവും നിയമാനുസൃതവുമാക്കുന്നതിന്റെ ഭാഗമായി അധികൃതർ നിരീക്ഷണവും പരിശോധനയും ശക്തമാക്കിയിട്ടുണ്ട്. Federal Decree-Law No. 20 of 2018 ഉൾപ്പെടെയുള്ള നിയമങ്ങൾ പ്രകാരം കള്ളപ്പണം വെളുപ്പിക്കലും അനധികൃത പണമിടപാടുകളും ലൈസൻസില്ലാത്ത പണമിടപാട് സംവിധാനങ്ങളുടെ ഉപയോഗവും ഗുരുതര കുറ്റങ്ങളാണ്. കുറ്റത്തിന്റെ സ്വഭാവവും സാഹചര്യവും അനുസരിച്ച് തടവും വലിയ തുക പിഴയും ഉൾപ്പെടെയുള്ള ശിക്ഷകൾ ലഭിക്കാം.

ലൈസൻസില്ലാത്ത പണമിടപാടുകൾ ഒഴിവാക്കണം: അനുമതിയില്ലാതെ പണമിടപാട് നടത്തുന്നതും അനധികൃത ഹവാല സംവിധാനങ്ങൾ ഉപയോഗിക്കുന്നതും നിയമനടപടിക്ക് കാരണമാകാം. കുറ്റക്കാരായി കണ്ടെത്തുന്ന വിദേശികൾക്ക് ശിക്ഷയ്ക്ക് പുറമെ നാടുകടത്തൽ ഉൾപ്പെടെയുള്ള നടപടികളും നേരിടേണ്ടിവന്നേക്കാം. ബാങ്കുകളും ധനകാര്യ സ്ഥാപനങ്ങളും ഉപഭോക്താക്കളുടെ ഇടപാടുകൾ നിരീക്ഷിക്കുകയും സംശയാസ്പദമായ ഇടപാടുകൾ അധികൃതർക്ക് റിപ്പോർട്ട് ചെയ്യുകയും ചെയ്യുന്ന സംവിധാനമാണ് യുഎഇയിലുള്ളത്. അതിനാൽ മറ്റൊരാളുടെ പണം സ്വന്തം ബാങ്ക് അക്കൗണ്ടിലൂടെ സ്വീകരിച്ച് കൈമാറുന്നതും വ്യക്തമായ വിശദീകരണമില്ലാത്ത സാമ്പത്തിക ഇടപാടുകളിൽ ഏർപ്പെടുന്നതും ഗുരുതര പ്രത്യാഘാതങ്ങൾക്ക് ഇടയാക്കാം.

പ്രവാസികൾ പ്രത്യേകം ശ്രദ്ധിക്കണം: സോഷ്യൽ മീഡിയ വഴി പ്രവർത്തിക്കുന്ന അനധികൃത സാമ്പത്തിക ഇടനിലക്കാരെയും നിയമവിരുദ്ധ പണമിടപാടുകാരെയും ഒഴിവാക്കണം. നാട്ടിലേക്ക് പണം അയയ്ക്കുമ്പോൾ യുഎഇയിൽ നിയമപരമായി അംഗീകൃത ബാങ്കുകൾ, എക്സ്ചേഞ്ച് സ്ഥാപനങ്ങൾ, ലൈസൻസുള്ള ഡിജിറ്റൽ സംവിധാനങ്ങൾ എന്നിവ മാത്രം ഉപയോഗിക്കണം. അപരിചിതരുടെ പണം സ്വന്തം അക്കൗണ്ടിൽ സ്വീകരിച്ച് മറ്റൊരാൾക്ക് കൈമാറുന്നതും ഒഴിവാക്കണം. ചെറിയ സാമ്പത്തിക നേട്ടത്തിനായി നടത്തുന്ന ഇത്തരം ഇടപാടുകൾ പിന്നീട് വലിയ നിയമപ്രശ്നങ്ങളായി മാറാം. അതിനാൽ യുഎഇയിൽ സാമ്പത്തിക ഇടപാടുകൾ നടത്തുമ്പോൾ നിയമാനുസൃത മാർഗങ്ങൾ മാത്രം സ്വീകരിക്കണമെന്നാണ് അധികൃതരുടെ നിർദേശം.

പുതിയ അധ്യയന വർഷത്തിൽ കുട്ടികൾക്ക് ഹോംവർക്ക് ഇല്ല; സ്ക്രീൻ സമയത്തിനും നിയന്ത്രണം

കെ.ജി 1 മുതൽ ഗ്രേഡ് 2 വരെ ഹോംവർക്ക് ഒഴിവാക്കി | ഗ്രേഡ് 6 വരെ പ്രധാന വിഷയങ്ങളിൽ ഡിജിറ്റൽ ഉപകരണങ്ങളുടെ ഉപയോഗം കുറയ്ക്കും

അബുദബി: 2026-27 അധ്യയന വർഷം മുതൽ യു.എ.ഇയിലെ വിദ്യാലയങ്ങളിൽ പഠനരീതിയിൽ സുപ്രധാന മാറ്റങ്ങൾ. ആഗസ്റ്റ് 31ന് ആരംഭിക്കുന്ന പുതിയ അധ്യയന വർഷം മുതൽ കെ.ജി 1 മുതൽ ഗ്രേഡ് 2 വരെയുള്ള വിദ്യാർഥികൾക്ക് ഹോംവർക്ക് നൽകില്ലെന്ന് വിദ്യാഭ്യാസ മന്ത്രി സാറ യൂസുഫ് അൽ അമീരി അറിയിച്ചു. പൊതുവിദ്യാലയങ്ങൾക്കും വിദ്യാഭ്യാസ മന്ത്രാലയത്തിന്റെ കീഴിലുള്ള സ്വകാര്യ സ്കൂളുകൾക്കും തീരുമാനം ബാധകമാണ്. വീട്ടുപാഠങ്ങളുടെയും വർക്ക്‌ഷീറ്റുകളുടെയും സമ്മർദം ഒഴിവാക്കി കുട്ടികളിൽ വായനാശീലം വളർത്തുക, ചിന്താശേഷിയും ഭാഷാപരമായ കഴിവുകളും മെച്ചപ്പെടുത്തുക എന്നിവയാണ് ലക്ഷ്യം. കുട്ടികൾക്ക് കൂടുതൽ സമയം കളിക്കാനും കുടുംബത്തോടൊപ്പം ചെലവഴിക്കാനും ഇതിലൂടെ അവസരം ലഭിക്കും.

അതേസമയം, ക്ലാസ് മുറികളിലെ സ്ക്രീൻ സമയത്തിനും നിയന്ത്രണം ഏർപ്പെടുത്തും. ഗ്രേഡ് 6 വരെയുള്ള വിദ്യാർഥികൾക്ക് അറബിക്, ഇംഗ്ലീഷ്, ഗണിതം, സയൻസ് തുടങ്ങിയ പ്രധാന വിഷയങ്ങളിൽ ടാബ്‌ലെറ്റ്, ലാപ്‌ടോപ്പ് തുടങ്ങിയ ഡിജിറ്റൽ ഉപകരണങ്ങളുടെ ഉപയോഗം കുറയ്ക്കും. പകരം പുസ്തകങ്ങളും പേനയും ഉപയോഗിച്ചുള്ള പഠനത്തിന് കൂടുതൽ പ്രാധാന്യം നൽകും. ഡിജിറ്റൽ ഉപകരണങ്ങളുടെ ഉപയോഗം കുറയ്ക്കുന്നത് കുട്ടികളുടെ ശ്രദ്ധ വർധിപ്പിക്കാനും പഠനനിലവാരം മെച്ചപ്പെടുത്താനും സഹായിക്കുമെന്ന വിലയിരുത്തലിന്റെ അടിസ്ഥാനത്തിലാണ് നടപടി.

എന്നാൽ വിദ്യാഭ്യാസ രംഗത്ത് സാങ്കേതികവിദ്യ പൂർണമായി ഒഴിവാക്കില്ലെന്ന് മന്ത്രാലയം വ്യക്തമാക്കി. കമ്പ്യൂട്ടർ സയൻസ്, എ.ഐ തുടങ്ങിയ വിഷയങ്ങളിൽ ഡിജിറ്റൽ ഉപകരണങ്ങളുടെ ഉപയോഗം തുടരും. കുട്ടികളുടെ പഠനത്തോടൊപ്പം ശ്രദ്ധ, പെരുമാറ്റം, പ്രായോഗിക അറിവ്, നൈപുണ്യ വികസനം എന്നിവയ്ക്കും കൂടുതൽ പ്രാധാന്യം നൽകുകയാണ് പുതിയ പരിഷ്കാരങ്ങളുടെ ലക്ഷ്യം. പുസ്തകപഠനത്തിനൊപ്പം കുട്ടികളുടെ സ്വാഭാവിക വളർച്ചയും പ്രായോഗിക കഴിവുകളും ഉറപ്പാക്കുന്ന വിദ്യാഭ്യാസരീതിയിലേക്കുള്ള മാറ്റമായാണ് പുതിയ നടപടികളെ മന്ത്രാലയം കാണുന്നത്.

റാസൽഖൈമ-ദുബൈ യാത്ര ഇനി എളുപ്പം; കൂടുതൽ ബസുകൾ

ദിവസം 19 സർവീസുകൾ; ആദ്യ ബസ് പുലർച്ചെ 5ന്

ദുബൈ:റാസൽഖൈമയിൽ നിന്ന് ദുബൈയിലേക്കും തിരിച്ചുമുള്ള യാത്ര കൂടുതൽ സൗകര്യപ്രദമാക്കാൻ തിങ്കളാഴ്ച മുതൽ അധിക ബസ് സർവീസുകൾ ആരംഭിച്ചു. ഇരു ദിശകളിലുമായി ദിവസേന 19 ബസുകൾ സർവീസ് നടത്തുമെന്ന് റാസൽഖൈമ ട്രാൻസ്‌പോർട്ട് അതോറിറ്റി അറിയിച്ചു. റാസൽഖൈമയിൽ താമസിച്ച് ദുബൈയിൽ ജോലി ചെയ്യുന്ന പ്രവാസികൾ ഉൾപ്പെടെ നിരവധി യാത്രക്കാർക്ക് പുതിയ സർവീസുകൾ ആശ്വാസമാകും.

റാസൽഖൈമയ്ക്കും ദുബൈയ്ക്കുമിടയിൽ നേരിട്ട് സർവീസ് നടത്തുന്ന ആറ് എക്‌സ്‌പ്രസ് ബസുകളും പുതിയ സംവിധാനത്തിലുണ്ടാകും. റാസൽഖൈമയിൽ നിന്ന് ദുബൈയിലേക്കുള്ള ആദ്യ ബസ് പുലർച്ചെ 5ന് പുറപ്പെടും. ദുബൈയിൽ നിന്ന് റാസൽഖൈമയിലേക്കുള്ള ആദ്യ സർവീസ് രാവിലെ 7.30നാണ്. രാത്രി 11.30 വരെ ദുബൈയിൽ നിന്ന് അവസാന ബസ് ലഭിക്കുന്ന തരത്തിലാണ് പുതിയ സമയക്രമം ക്രമീകരിച്ചിരിക്കുന്നത്.

അധികസമയം ജോലി ചെയ്യിപ്പിച്ചാൽ ഓവർടൈം വേതനം നൽകണം പ്രത്യേക എഴുത്തുകരാർ ഇല്ലെങ്കിലും അധിക വേതനം നിഷേധിക്കാനാകില്ലെന്ന് യുഎഇ തൊഴിൽ നിയമം

ദുബൈ: തൊഴിൽ കരാറിൽ നിശ്ചയിച്ച സാധാരണ ജോലി സമയത്തിന് പുറമെ ജീവനക്കാരെ അധികസമയം ജോലി ചെയ്യിപ്പിച്ചാൽ അതിന് നിയമപ്രകാരമുള്ള ഓവർടൈം വേതനം നൽകാൻ തൊഴിലുടമ ബാധ്യസ്ഥനാണെന്ന് യുഎഇ തൊഴിൽ നിയമം വ്യക്തമാക്കുന്നു. അധികസമയ ജോലിക്കായി പ്രത്യേക എഴുത്തുകരാർ ഇല്ലെന്ന കാരണം പറഞ്ഞ് വേതനം നിഷേധിക്കാൻ തൊഴിലുടമയ്ക്ക് നിയമപരമായ അവകാശമില്ല. തൊഴിലുടമയുടെ ആവശ്യപ്രകാരം അധികസമയം ജോലി ചെയ്തിട്ടുണ്ടെങ്കിൽ അതിനുള്ള പ്രതിഫലം ജീവനക്കാരന് ലഭിക്കേണ്ടതാണ്.

അധികസമയം ജോലി ചെയ്തതിന്റെ തെളിവുകൾ ജീവനക്കാർ സൂക്ഷിക്കുന്നത് പ്രധാനമാണ്. *ഹാജർ രേഖകൾ, ടൈം ഷീറ്റുകൾ, ഇമെയിലുകൾ, ഇലക്ട്രോണിക് സന്ദേശങ്ങൾ* തുടങ്ങിയവ ഇതിന് തെളിവായി ഉപയോഗിക്കാം. തൊഴിലുടമയുടെ നിർദേശപ്രകാരം അധികമായി ജോലി ചെയ്ത മണിക്കൂറുകൾ തെളിയിക്കാൻ ഇത്തരം രേഖകൾ സഹായിക്കും. ആവശ്യമായ തെളിവുകൾ ഉണ്ടെങ്കിൽ നിയമപ്രകാരം അധിക ജോലി ചെയ്ത സമയത്തിനുള്ള വേതനം ആവശ്യപ്പെടാൻ ജീവനക്കാരന് അവകാശമുണ്ട്.

ഓവർടൈം വേതനം നൽകാൻ തൊഴിലുടമ വിസമ്മതിക്കുന്ന സാഹചര്യത്തിൽ ജീവനക്കാർക്ക് *മാനവവിഭവശേഷി, സ്വദേശിവത്കരണ മന്ത്രാലയത്തിന്റെ (MoHRE) ഔദ്യോഗിക സംവിധാനങ്ങൾ* വഴി പരാതി നൽകാം. പരാതി പരിശോധിച്ച ശേഷം ജീവനക്കാരന് ലഭിക്കേണ്ട വേതനം ഉറപ്പാക്കുന്നതിനായി മന്ത്രാലയം ആവശ്യമായ നിയമനടപടികൾ സ്വീകരിക്കും.

സ്കൂൾ ബാഗിന് അമിതഭാരം വേണ്ട; കുട്ടിയുടെ ശരീരഭാരത്തിന്റെ 10%ൽ താഴെയാക്കണം

നട്ടെല്ലിനും പേശികൾക്കും ഉണ്ടാകാവുന്ന പ്രശ്നങ്ങൾ ഒഴിവാക്കാൻ ജാഗ്രത വേണമെന്ന് ആരോഗ്യ വിദഗ്ധർ

ദുബൈ: പുതിയ അധ്യയന വർഷം ആരംഭിക്കാനിരിക്കെ കുട്ടികളുടെ സ്കൂൾ ബാഗിന്റെ ഭാരം നിയന്ത്രിക്കണമെന്ന് യുഎഇയിലെ ആരോഗ്യ വിദഗ്ധർ. പുസ്തകങ്ങൾക്കൊപ്പം ലാപ്ടോപ്പ്, ടാബ്‌ലെറ്റ്, വാട്ടർ ബോട്ടിൽ, ലഞ്ച് ബോക്‌സ്, കായിക ഉപകരണങ്ങൾ എന്നിവ കൂടി ഉൾപ്പെടുമ്പോൾ ബാഗിന്റെ ഭാരം അമിതമാകാൻ സാധ്യതയുണ്ട്. കുട്ടിയുടെ ശരീരഭാരത്തിന്റെ *10 ശതമാനത്തിൽ താഴെ* മാത്രമായിരിക്കണം ബാഗിന്റെ ഭാരം. *15 ശതമാനം പരമാവധി പരിധിയാണ്*, അതും കവിയരുതെന്ന് ഓർത്തോപീഡിക് വിദഗ്ധർ മുന്നറിയിപ്പ് നൽകി. ഉദാഹരണത്തിന് 30 കിലോഗ്രാം ഭാരമുള്ള കുട്ടിയുടെ ബാഗിന് 3 കിലോഗ്രാമിൽ താഴെയായിരിക്കുക എന്നതാണ് ഉചിതം.

കുട്ടിയുടെ ശരീരവലുപ്പത്തിന് അനുയോജ്യവും ഭാരം കുറഞ്ഞതുമായ ബാഗുകൾ തിരഞ്ഞെടുക്കണം. വീതിയുള്ള കുഷ്യൻ സ്ട്രാപ്പുകളുള്ള ബാഗ് *രണ്ട് തോളുകളിലും* ഒരുപോലെ ധരിക്കുന്നതാണ് സുരക്ഷിതം. ഒരു തോളിൽ മാത്രം ബാഗ് തൂക്കുന്നത് നട്ടെല്ലിന്റെ സ്വാഭാവിക വളർച്ചയെ ബാധിക്കാം. ഒന്നിലധികം അറകളുള്ള ബാഗുകൾ ഉപയോഗിക്കുന്നത് ഭാരം ശരിയായി വിഭജിക്കാൻ സഹായിക്കും. ദിവസത്തെ ടൈംടേബിളിന് ആവശ്യമായ പുസ്തകങ്ങളും നോട്ട്ബുക്കുകളും മാത്രം ബാഗിൽ വയ്ക്കുകയും പഴയ പേപ്പറുകൾ, അനാവശ്യ കളിപ്പാട്ടങ്ങൾ തുടങ്ങിയവ ഒഴിവാക്കുകയും വേണം. വിലകൂടിയ ബാഗിനേക്കാൾ ഭാരം കുറഞ്ഞതും കുട്ടിക്ക് എളുപ്പത്തിൽ ഉപയോഗിക്കാവുന്നതുമായ ബാഗിനാണ് മുൻഗണന നൽകേണ്ടത്.

ബാഗ് ചുമക്കുമ്പോൾ *കഴുത്തിലോ പുറകിലോ വേദന, അസ്വസ്ഥത തുടങ്ങിയ ലക്ഷണങ്ങൾ* കുട്ടിക്ക് അനുഭവപ്പെടുന്നുണ്ടെങ്കിൽ അവഗണിക്കരുതെന്നും വിദഗ്ധർ നിർദേശിച്ചു. ഇത്തരം പ്രശ്നങ്ങൾ തുടർന്നാൽ വൈദ്യസഹായം തേടണം. കുട്ടികളുടെ നട്ടെല്ലിന്റെയും പേശികളുടെയും ആരോഗ്യസംരക്ഷണത്തിന് ബാഗിന്റെ ഭാരം ദിവസവും ശ്രദ്ധിക്കുന്നതും ആവശ്യമായ സാധനങ്ങൾ മാത്രം ബാഗിൽ ഉൾപ്പെടുത്തുന്നതും പ്രധാനമാണ്.

റോഡ് മുറിച്ചുകടക്കുമ്പോൾ ഈ ‘നടത്തം’ വേണ്ട; പിഴയും തടവും മുന്നറിയിപ്പുമായി അബുദാബി പൊലീസ്

 അബുദാബി: റോഡ് മുറിച്ചുകടക്കുമ്പോൾ നിർദിഷ്ട ഇടങ്ങൾ മാത്രം ഉപയോഗിക്കണമെന്ന് കാൽനടയാത്രക്കാർക്ക് മുന്നറിയിപ്പുമായി അബുദാബി പൊലീസ്. സീബ്രാ ക്രോസിങ്, നടപ്പാലം, അണ്ടർപാസ് എന്നിവയിലൂടെ മാത്രമേ റോഡ് മുറിച്ചുകടക്കാവൂ. ട്രാഫിക് സിഗ്നലുകൾ കൃത്യമായി പാലിക്കുകയും മൊബൈൽ ഫോൺ ഉപയോഗിച്ചും ശ്രദ്ധതിരിച്ചും റോഡ് മുറിച്ചുകടക്കുന്നത് ഒഴിവാക്കണമെന്നും പൊലീസ് നിർദേശിച്ചു.

• ഡ്രൈവർമാരും ജാഗ്രത പാലിക്കണം

റോഡ് സുരക്ഷ ഉറപ്പാക്കുന്നതിൽ ഡ്രൈവർമാർക്കും കാൽനടയാത്രക്കാർക്കും ഒരുപോലെ ഉത്തരവാദിത്തമുണ്ടെന്ന് പൊലീസ് വ്യക്തമാക്കി. കാൽനടയാത്രക്കാർ റോഡ് മുറിച്ചുകടക്കുന്ന സ്ഥലങ്ങളിൽ വാഹനങ്ങളുടെ വേഗം കുറയ്ക്കുകയും അവർക്ക് മുൻഗണന നൽകുകയും വേണം. ‘സ്മാർട്ട് റോഡ് സെക്യൂരിറ്റി’ പദ്ധതിയുടെ ഭാഗമായി പൊലീസ് ബോധവൽക്കരണ വിഡിയോയും പുറത്തിറക്കി.

• ജേവാക്കിങ്ങിന് 400 ദിർഹം പിഴ; അപകടമുണ്ടാക്കിയാൽ ശിക്ഷ കടുക്കും

യുഎഇയിൽ നിർദിഷ്ട സ്ഥലങ്ങളിലൂടെയല്ലാതെ റോഡ് മുറിച്ചുകടക്കുന്നത് (ജേവാക്കിങ്) നിയമലംഘനമാണ്. ഇതിന് *400 ദിർഹം പിഴ* ചുമത്തും. ജേവാക്കിങ് മൂലം അപകടമുണ്ടായാൽ വൻ പിഴയും തടവും ലഭിക്കാം. മണിക്കൂറിൽ *80 കിലോമീറ്ററിലേറെ വേഗമുള്ള റോഡിൽ* അശ്രദ്ധമായി റോഡ് മുറിച്ചുകടന്ന് അപകടമുണ്ടാക്കിയാൽ *കുറഞ്ഞത് 3 മാസം തടവും 10,000 ദിർഹം വരെ പിഴയും* ലഭിക്കാമെന്നും പൊലീസ് മുന്നറിയിപ്പ് നൽകി.

യു.എ.ഇയിൽ 15 വയസ്സിന് താഴെയുള്ള കുട്ടികൾക്ക് വ്യക്തിഗത സമൂഹമാധ്യമ അക്കൗണ്ടുകൾ ഉപയോഗിക്കുന്നതിന് ഏർപ്പെടുത്തിയ പുതിയ പ്രായപരിധി സ്കൂളുകളിലും കുടുംബങ്ങളിലും കൂടുതൽ ജാഗ്രതയ്ക്ക്

ദുബൈ: യു.എ.ഇയിൽ 15 വയസ്സിന് താഴെയുള്ള കുട്ടികൾക്ക് വ്യക്തിഗത സമൂഹമാധ്യമ അക്കൗണ്ടുകൾ ഉപയോഗിക്കുന്നതിന് ഏർപ്പെടുത്തിയ പുതിയ പ്രായപരിധി സ്കൂളുകളിലും കുടുംബങ്ങളിലും കൂടുതൽ ജാഗ്രതയ്ക്ക് വഴിയൊരുക്കുന്നു. കുട്ടികളുടെ ഓൺലൈൻ സുരക്ഷ, സ്വകാര്യത, ദോഷകരമായ ഉള്ളടക്കങ്ങളിൽ നിന്നുള്ള സംരക്ഷണം, അമിതമായ സ്ക്രീൻ ഉപയോഗം മൂലം പഠനത്തെ ബാധിക്കുന്ന പ്രശ്നങ്ങൾ എന്നിവ കണക്കിലെടുത്താണ് നിയന്ത്രണം.

കുട്ടികളുടെ ഡിജിറ്റൽ സുരക്ഷയ്ക്ക് കൂടുതൽ ശ്രദ്ധ — സമൂഹമാധ്യമങ്ങളുടെ അമിത ഉപയോഗം പഠനത്തെയും മാനസികാരോഗ്യത്തെയും ബാധിക്കാതിരിക്കാൻ സ്കൂളുകൾ രക്ഷിതാക്കളുമായി ചേർന്ന് ബോധവത്കരണ പ്രവർത്തനങ്ങൾ ശക്തമാക്കും. സൈബർ ഭീഷണി, വ്യക്തിഗത വിവരങ്ങളുടെ ദുരുപയോഗം, പ്രായത്തിന് അനുയോജ്യമല്ലാത്ത ഉള്ളടക്കങ്ങളിലേക്കുള്ള പ്രവേശനം തുടങ്ങിയ അപകടങ്ങളിൽ നിന്ന് കുട്ടികളെ സംരക്ഷിക്കുകയാണ് പ്രധാന ലക്ഷ്യം.

സ്കൂളുകളിലും മൊബൈൽ ഉപയോഗത്തിന് കർശന നിയന്ത്രണം — പഠനസമയത്ത് മൊബൈൽ ഫോണുകളും മറ്റ് ഡിജിറ്റൽ ഉപകരണങ്ങളും ഉപയോഗിക്കുന്നതുമായി ബന്ധപ്പെട്ട നിലവിലെ നയങ്ങൾ കൂടുതൽ കർശനമായി നടപ്പാക്കും. കുട്ടികളുടെ പഠനത്തിൽ ശ്രദ്ധ ഉറപ്പാക്കുന്നതിനൊപ്പം സുരക്ഷിതമായ ഡിജിറ്റൽ ശീലങ്ങൾ വളർത്തുന്നതിനുള്ള പ്രധാന ചുവടുവെപ്പായാണ് പുതിയ നിയന്ത്രണത്തെ വിദ്യാഭ്യാസ മേഖല വിലയിരുത്തുന്നത്.

തൊഴിലുടമ സർട്ടിഫിക്കറ്റ് നൽകുന്നില്ലേ? ഇനി മൊഹ്റ വഴി എക്സ്പീരിയൻസ് സർട്ടിഫിക്കറ്റ് നേടാം

കമ്പനി നൽകാത്ത തൊഴിൽ രേഖകൾ ഡിജിറ്റലായി ലഭ്യമാക്കാം.

ദുബൈ:തൊഴിലുടമ എക്സ്പീരിയൻസ് സർട്ടിഫിക്കറ്റ് നൽകാൻ തയ്യാറാകാത്ത ജീവനക്കാർക്ക് ആശ്വാസമായി യുഎഇ മാനവവിഭവശേഷി സ്വദേശിവൽക്കരണ മന്ത്രാലയമായ മൊഹ്റ (MoHRE) യുടെ ഡിജിറ്റൽ സേവനം. മന്ത്രാലയത്തിന്റെ വെബ്സൈറ്റിലൂടെയോ സ്മാർട്ട് ആപ്പ് വഴിയോ ജീവനക്കാർക്ക് തൊഴിൽ സംബന്ധമായ സർട്ടിഫിക്കറ്റുകൾ ലഭ്യമാക്കാം.

യുഎഇ പാസ് ഉപയോഗിച്ച് മൊഹ്റയുടെ ഡിജിറ്റൽ സംവിധാനത്തിൽ ലോഗിൻ ചെയ്ത് ആവശ്യമായ സേവനം തിരഞ്ഞെടുക്കുകയാണ് പ്രധാന ഘട്ടം. ജീവനക്കാരുടെ തൊഴിൽ രേഖകളുമായി ബന്ധപ്പെട്ട വിവരങ്ങൾ മന്ത്രാലയത്തിന്റെ സംവിധാനത്തിൽ ലഭ്യമാണെങ്കിൽ, അതിന്റെ അടിസ്ഥാനത്തിൽ സർട്ടിഫിക്കറ്റ് നേടാൻ സാധിക്കും.

യുഎഇയിലെ സ്വകാര്യ മേഖലയിലെ ജീവനക്കാർക്ക് തൊഴിൽ സംബന്ധമായ ഔദ്യോഗിക രേഖകൾ ലഭ്യമാക്കുന്നതിനുള്ള നടപടികൾ ഇതോടെ കൂടുതൽ എളുപ്പമാകും. മൊഹ്റയുടെ വെബ്സൈറ്റിലും സ്മാർട്ട് ആപ്പിലും ജീവനക്കാർക്കായി വിവിധ ഡിജിറ്റൽ സേവനങ്ങൾ ലഭ്യമാണ്.

വിമാന ടിക്കറ്റ് നിരക്ക് നിയന്ത്രിക്കാൻ സുപ്രീംകോടതി ഇടപെടൽ; പ്രവാസികൾക്ക് പ്രതീക്ഷ

കരട് ചട്ടങ്ങൾ അന്തിമമാക്കാൻ മൂന്ന് ആഴ്ച സമയം; കേസ് സെപ്റ്റംബർ 7ന് വീണ്ടും പരിഗണിക്കും

ദുബൈ:ഇന്ത്യയിലേക്കും തിരിച്ചുമുള്ള വിമാന ടിക്കറ്റ് നിരക്കിലെ അപ്രതീക്ഷിത വർധന നിയന്ത്രിക്കാൻ സുപ്രീംകോടതി ഇടപെടൽ. അമിത നിരക്കും സ്വകാര്യ വിമാനക്കമ്പനികൾ ഈടാക്കുന്ന അധിക ചാർജുകളും നിയന്ത്രിക്കുന്നതിനുള്ള കേന്ദ്രസർക്കാരിന്റെ കരട് ചട്ടങ്ങൾ പരിശോധിച്ച കോടതി, അവ അന്തിമമാക്കി മൂന്ന് ആഴ്ചയ്ക്കകം സമർപ്പിക്കാൻ നിർദേശിച്ചു. ആഗസ്റ്റ് 17ന് പരിഗണിച്ച കേസിൽ കേന്ദ്രത്തിന്റെ അഡീഷണൽ സോളിസിറ്റർ ജനറൽ അനിൽ കൗശിക് കരട് ചട്ടങ്ങൾ കോടതിയിൽ സമർപ്പിച്ചിരുന്നു.

കരട് പരിശോധിച്ച ജഡ്ജിമാർക്ക് അന്തിമ രൂപം നൽകുന്നതിനായി മൂന്ന് ആഴ്ച സമയം അനുവദിച്ചു. കേസ് സെപ്റ്റംബർ 7ന് വീണ്ടും പരിഗണിക്കും. വിമാന നിരക്കിലെ പ്രവചനാതീതമായ വർധനയും സ്വകാര്യ വിമാനക്കമ്പനികൾ ഈടാക്കുന്ന അധിക നിരക്കുകളും നിയന്ത്രിക്കാൻ സുതാര്യമായ മാർഗനിർദേശങ്ങളും സ്വതന്ത്ര നിയന്ത്രണ സംവിധാനവും വേണമെന്നാണ് ഹർജിയിലെ പ്രധാന ആവശ്യം.

യുഎഇ ഉൾപ്പെടെയുള്ള ഗൾഫ് രാജ്യങ്ങളിലെ ഇന്ത്യൻ പ്രവാസികൾ കോടതി ഇടപെടലിനെ പ്രതീക്ഷയോടെയാണ് കാണുന്നത്. പെരുന്നാൾ, സ്കൂൾ അവധി, വേനൽക്കാലം, അടിയന്തര യാത്ര തുടങ്ങിയ സമയങ്ങളിൽ ടിക്കറ്റ് നിരക്ക് പെട്ടെന്ന് കുതിക്കുന്നത് താഴ്ന്ന-ഇടത്തരം വരുമാനക്കാരായ പ്രവാസി കുടുംബങ്ങൾക്ക് വലിയ സാമ്പത്തിക ബാധ്യതയാകുന്നതായി അവർ ചൂണ്ടിക്കാട്ടുന്നു. ദീർഘകാലമായി പ്രവാസികൾ ഉന്നയിക്കുന്ന വിമാന നിരക്ക് നിയന്ത്രണമെന്ന ആവശ്യം കോടതി ഇടപെടലിലൂടെ യാഥാർഥ്യമാകുമെന്ന പ്രതീക്ഷയിലാണ് പ്രവാസികൾ.