യുഎഇയിൽ ഇനി 24 മണിക്കൂറിനുള്ളിൽ 9 മണിക്കൂറിൽ കൂടുതൽ വാഹനമോടിക്കാൻ പാടില്ല; പുതിയ ട്രാഫിക് നിയമം 2027 ജനുവരി 1 മുതൽ

യുഎഇയിൽ ഇനി 24 മണിക്കൂറിനുള്ളിൽ 9 മണിക്കൂറിൽ കൂടുതൽ വാഹനമോടിക്കാൻ പാടില്ല; പുതിയ ട്രാഫിക് നിയമം 2027 ജനുവരി 1 മുതൽ

ഡ്രൈവിങ് സമയം നിയന്ത്രിച്ച് റോഡ് അപകടങ്ങൾ കുറയ്ക്കുക ലക്ഷ്യം; ക്ഷീണമോ ഉറക്കമോ അനുഭവപ്പെട്ടാൽ അനുവദനീയ സമയത്തിന് മുമ്പും യാത്ര നിർത്തണം.

യുഎഇ: 2027 ജനുവരി 1 മുതൽ പ്രാബല്യത്തിൽ വരുന്ന പുതിയ ഫെഡറൽ ട്രാഫിക് നിയമപ്രകാരം, ഒരു ഡ്രൈവർക്ക് 24 മണിക്കൂറിനുള്ളിൽ പരമാവധി 9 മണിക്കൂർ മാത്രമേ വാഹനമോടിക്കാൻ അനുവദിക്കൂ. ഡ്രൈവിങ് സുരക്ഷിതമായി തുടരാൻ കഴിയാത്തവിധം ക്ഷീണമോ തളർച്ചയോ അനുഭവപ്പെടുന്ന സാഹചര്യത്തിൽ വാഹനമോടിക്കുന്നതും നിയമം വിലക്കുന്നു. ട്രക്ക് ഡ്രൈവർമാർക്ക് മാത്രമല്ല, പൊതുവായി എല്ലാ വാഹന ഡ്രൈവർമാർക്കും ബാധകമായ വ്യവസ്ഥയാണിത്. ഫെഡറൽ ട്രാഫിക് കൗൺസിലിന് ഈ സമയപരിധിയിൽ മാറ്റം വരുത്താനും അധികാരമുണ്ട്.

2026ലെ ക്യാബിനറ്റ് തീരുമാനം നമ്പർ 174 പ്രകാരമുള്ള എക്സിക്യൂട്ടീവ് റെഗുലേഷനിലെ ആർട്ടിക്കിൾ 7(2)ലാണ് ഇക്കാര്യം വ്യക്തമാക്കുന്നത്. 2025ൽ ഡ്രൈവർമാരുടെ ക്ഷീണവും ഉറക്കവും കാരണം യുഎഇയിൽ 20 വാഹനാപകടങ്ങൾ റിപ്പോർട്ട് ചെയ്തതായി ആഭ്യന്തര മന്ത്രാലയത്തിന്റെ കണക്കുകൾ വ്യക്തമാക്കുന്നു. ഒമ്പത് മണിക്കൂർ പരിധി അനുവദിച്ചിട്ടുണ്ടെങ്കിലും അത്രയും സമയം പൂർത്തിയാക്കുന്നതുവരെ വാഹനമോടിക്കാമെന്നല്ല നിയമത്തിന്റെ അർഥം. സുരക്ഷിതമായി ഡ്രൈവ് ചെയ്യാൻ കഴിയാത്തവിധം ക്ഷീണം അനുഭവപ്പെട്ടാൽ ഉടൻ യാത്ര നിർത്തണം.

കഴിഞ്ഞ ഒക്ടോബർ 29ന് എമിറേറ്റ്സ് റോഡിൽ (E611) അബുദാബി ഭാഗത്തേക്ക് പോകുന്നതിനിടെ ഉറങ്ങിപ്പോയ ട്രക്ക് ഡ്രൈവർ വാഹനത്തിന്റെ നിയന്ത്രണം നഷ്ടപ്പെടുത്തി സുരക്ഷാ ബാരിയറിൽ ഇടിച്ചതായി ദുബായ് പൊലീസ് അറിയിച്ചു. അപകടത്തിൽ ഡ്രൈവർക്ക് നിസ്സാര പരിക്കേറ്റു. മതിയായ വിശ്രമത്തിന് ശേഷം മാത്രം യാത്ര ആരംഭിക്കണമെന്നും ക്ഷീണമോ ഉറക്കമോ അനുഭവപ്പെട്ടാൽ സുരക്ഷിതമായ സ്ഥലത്ത് വാഹനം നിർത്തി വിശ്രമിക്കണമെന്നും ദുബായ് പൊലീസിലെ ട്രാഫിക് വിഭാഗം ഡയറക്ടർ ബ്രിഗേഡിയർ ജുമാ സാലിം ബിൻ സുവൈദാൻ വാഹനമോടിക്കുന്നവർക്ക് മുന്നറിയിപ്പ് നൽകി.

ദുബൈയിൽ കാലാവധി കഴിഞ്ഞ വാഹനങ്ങളുമായി നിരത്തിലിറങ്ങുന്നവർക്കെതിരെ നടപടി

10 മാസത്തിനിടെ 48,950 ട്രാഫിക് നിയമലംഘനങ്ങൾ; 500 ദിർഹം പിഴയും വാഹനങ്ങൾ ഏഴു ദിവസത്തേക്ക് കണ്ടുകെട്ടും

ദുബൈ: വാഹന രജിസ്ട്രേഷൻ കാലാവധി അവസാനിച്ചിട്ടും പുതുക്കാതെ നിരത്തിലിറങ്ങിയവർക്കെതിരെ കർശന നടപടിയുമായി ദുബൈ പൊലീസ്. കഴിഞ്ഞ 10 മാസത്തിനിടെ ഇത്തരത്തിലുള്ള 48,950 ട്രാഫിക് നിയമലംഘനങ്ങൾ രേഖപ്പെടുത്തിയതായി പൊലീസ് അറിയിച്ചു. റോഡ് സുരക്ഷ ഉറപ്പാക്കുന്നതിനും ട്രാഫിക് നിയമങ്ങൾ കൃത്യമായി പാലിക്കുന്നുണ്ടെന്ന് ഉറപ്പുവരുത്തുന്നതിനുമാണ് പരിശോധനകൾ ശക്തമാക്കിയിരിക്കുന്നത്. വാഹനങ്ങളുടെ രജിസ്ട്രേഷൻ പുതുക്കാതിരിക്കുന്നത് നിയമലംഘനം മാത്രമല്ലെന്നും കൃത്യമായ സാങ്കേതിക പരിശോധനകൾ നടക്കാത്തത് റോഡിൽ വലിയ സുരക്ഷാ ഭീഷണി സൃഷ്ടിക്കുമെന്നും ദുബൈ പൊലീസ് ട്രാഫിക് വിഭാഗം ഡയറക്ടർ ബ്രിഗേഡിയർ ജുമാ സലീം ബിൻ സുവൈദാൻ വ്യക്തമാക്കി.

രജിസ്ട്രേഷൻ പുതുക്കാത്ത വാഹനങ്ങളിൽ ടയറുകൾ, ബ്രേക്കുകൾ, ലൈറ്റുകൾ, സ്റ്റിയറിങ് സംവിധാനം തുടങ്ങിയ പ്രധാന ഭാഗങ്ങളുടെ സുരക്ഷ പരിശോധിക്കപ്പെടാതെ പോകാൻ സാധ്യതയുണ്ട്. ഇത് അപ്രതീക്ഷിത സാങ്കേതിക തകരാറുകൾക്കും റോഡപകടങ്ങൾക്കും കാരണമാകാം. കൂടാതെ, ഇൻഷുറൻസ് കാലാവധി കഴിഞ്ഞ വാഹനങ്ങൾ അപകടത്തിൽപ്പെട്ടാൽ ഉടമകൾക്ക് വലിയ സാമ്പത്തിക ബാധ്യതകളും നിയമപ്രശ്നങ്ങളും നേരിടേണ്ടിവരുമെന്നും അദ്ദേഹം മുന്നറിയിപ്പ് നൽകി.

നിലവിലെ നിയമപ്രകാരം രജിസ്ട്രേഷൻ കാലാവധി കഴിഞ്ഞ വാഹനം ഓടിച്ചാൽ 500 ദിർഹം പിഴയും നാല് ബ്ലാക്ക് പോയിന്റുകളും ലഭിക്കും. കൂടാതെ വാഹനം ഏഴു ദിവസത്തേക്ക് കണ്ടുകെട്ടുകയും ചെയ്യും. ഇത്തരം നടപടികൾ ഒഴിവാക്കുന്നതിനും സ്വന്തം സുരക്ഷയ്ക്കൊപ്പം മറ്റ് റോഡ് ഉപയോക്താക്കളുടെ സുരക്ഷ ഉറപ്പാക്കുന്നതിനും വാഹന ഉടമകൾ ഇൻഷുറൻസ് പുതുക്കൽ, രജിസ്ട്രേഷൻ, സാങ്കേതിക പരിശോധന എന്നിവ കൃത്യസമയത്ത് പൂർത്തിയാക്കണമെന്ന് ദുബൈ പൊലീസ് ആവശ്യപ്പെട്ടു.

യുഎഇയിൽ ജോലി മാറുകയാണോ? നോട്ടീസ് പീരിയഡ് നിയമം അറിയാം

30 മുതൽ 90 ദിവസം വരെ നോട്ടീസ് കാലയളവ്; കരാറിലെ വ്യവസ്ഥകൾ തൊഴിലാളിയും തൊഴിലുടമയും പാലിക്കണം

ദുബായ്: യുഎഇയിലെ സ്വകാര്യമേഖലാ ജീവനക്കാരുടെ നോട്ടീസ് പീരിയഡ് സംബന്ധിച്ച് 2021-ലെ ഫെഡറൽ ഡിക്രി-ലോ നമ്പർ 33-ലെ ആർട്ടിക്കിൾ 43 വ്യക്തമായ വ്യവസ്ഥകൾ മുന്നോട്ടുവയ്ക്കുന്നു. നിയമപ്രകാരം നോട്ടീസ് കാലയളവ് കുറഞ്ഞത് 30 ദിവസവും പരമാവധി 90 ദിവസവും ആയിരിക്കണം. MOHRE-യിൽ രജിസ്റ്റർ ചെയ്ത തൊഴിൽ കരാറിൽ വ്യക്തമാക്കിയിരിക്കുന്ന നോട്ടീസ് കാലയളവ് സാധാരണയായി തൊഴിലുടമയ്ക്കും ജീവനക്കാരനും ഒരുപോലെ ബാധകമാണ്. എന്നാൽ ജീവനക്കാരന് കൂടുതൽ പ്രയോജനം ലഭിക്കുന്ന തരത്തിലുള്ള വ്യത്യസ്ത ധാരണയുണ്ടെങ്കിൽ അത് പരിഗണിക്കാം.

നോട്ടീസ് കാലയളവിനിടയിലും തൊഴിൽ കരാർ പ്രാബല്യത്തിൽ തുടരും. അതിനാൽ ഈ കാലയളവിൽ ജീവനക്കാരന് അവസാന വേതനത്തെ അടിസ്ഥാനമാക്കിയുള്ള പൂർണ്ണ ശമ്പളത്തിന് അർഹതയുണ്ട്. അതേസമയം, നിയമപരമായ അവകാശങ്ങൾ സംരക്ഷിക്കപ്പെടുന്ന സാഹചര്യത്തിൽ തൊഴിലുടമയും ജീവനക്കാരനും പരസ്പരം സമ്മതിച്ച് നോട്ടീസ് കാലയളവ് ഒഴിവാക്കുകയോ കുറയ്ക്കുകയോ ചെയ്യാം.

നിശ്ചിത നോട്ടീസ് കാലയളവ് പാലിക്കാതെ ഒരു കക്ഷി തൊഴിൽ കരാർ അവസാനിപ്പിച്ചാൽ, ആവശ്യമായ നോട്ടീസ് നൽകാത്ത കാലയളവിന് തുല്യമായ നോട്ടീസ് പീരിയഡ് അലവൻസ് നൽകേണ്ടിവരും. അതായത്, ജോലി രാജിവയ്ക്കുകയോ ജീവനക്കാരനെ പിരിച്ചുവിടുകയോ ചെയ്യുമ്പോൾ കരാറിലെ നോട്ടീസ് വ്യവസ്ഥകൾ കൃത്യമായി പരിശോധിക്കുന്നത് പ്രധാനമാണ്.

യുഎഇയിലേക്ക് യാത്ര ചെയ്യുന്നവർ ശ്രദ്ധിക്കുക: നിരോധിത വസ്തുക്കളുടെയും മരുന്നുകളുടെയും പട്ടികയുമായി ഇന്ത്യൻ എംബസി

കസ്റ്റംസ് നിയമങ്ങൾ പാലിക്കണം; ലംഘിച്ചാൽ പിഴ, തടവ്, നാടുകടത്തൽ ഉൾപ്പെടെയുള്ള നടപടികൾ നേരിടേണ്ടിവരും

ദുബൈ: ഇന്ത്യയിൽ നിന്ന് യുഎഇയിലേക്ക് യാത്ര ചെയ്യുന്നവർ ലഗേജ് തയ്യാറാക്കുമ്പോൾ കസ്റ്റംസ് നിയമങ്ങളും നിരോധിത വസ്തുക്കളുടെ പട്ടികയും കൃത്യമായി പരിശോധിക്കണമെന്ന് ഇന്ത്യൻ എംബസിയും കോൺസുലേറ്റും മുന്നറിയിപ്പ് നൽകി. ഇന്ത്യയിൽ സാധാരണയായി ഉപയോഗിക്കുന്നതും നിയമപരമായി ലഭിക്കുന്നതുമായ ചില ഉൽപ്പന്നങ്ങൾ യുഎഇയിൽ നിരോധിക്കുകയോ നിയന്ത്രണങ്ങൾക്ക് വിധേയമാക്കുകയോ ചെയ്തിട്ടുണ്ട്.

കറുപ്പ് കസകസ് (Poppy Seeds), ഖാറ്റ് ഇലകൾ, വെറ്റില, അടയ്ക്ക, ഗുഡ്ക, നിസ്വാർ തുടങ്ങിയ പായ്ക്ക് ചെയ്ത പുകയില ഉൽപ്പന്നങ്ങൾ എന്നിവ യുഎഇയിലേക്ക് കൊണ്ടുവരുന്നത് പൂർണമായും നിരോധിച്ചിട്ടുണ്ട്. ചെറിയ അളവിൽ കൈവശം വെച്ചാൽ പോലും പിഴ, തടങ്കൽ, നാടുകടത്തൽ തുടങ്ങിയ നടപടികൾ നേരിടേണ്ടിവരും. ഉറക്കഗുളികകൾ, ശക്തമായ വേദനസംഹാരികൾ, നിയന്ത്രിത ലഹരിമരുന്ന് ഘടകങ്ങൾ അടങ്ങിയ മരുന്നുകൾ എന്നിവ കൊണ്ടുവരുന്നവർ എമിറേറ്റ്സ് ഡ്രഗ് എസ്റ്റാബ്ലിഷ്മെന്റിന്റെ (EDE) വെബ്സൈറ്റ് വഴി മുൻകൂട്ടി സൗജന്യ ഇറക്കുമതി പെർമിറ്റ് നേടുകയും ഡോക്ടറുടെ കുറിപ്പടി കൈവശം സൂക്ഷിക്കുകയും വേണം.

60,000 ദിർഹത്തിന് മുകളിൽ മൂല്യമുള്ള പണം, സ്വർണം, ചെക്കുകൾ എന്നിവ കൈവശമുള്ളവർ വിമാനത്താവളത്തിൽ കസ്റ്റംസ് ഡിക്ലറേഷൻ നടത്തണം. കൂടാതെ, ഉള്ളടക്കം കൃത്യമായി അറിയാത്ത മറ്റുള്ളവരുടെ ബാഗുകളോ ലഗേജുകളോ ഏറ്റുവാങ്ങി കൊണ്ടുവരരുതെന്നും എംബസി പ്രവാസികൾക്കും വിനോദസഞ്ചാരികൾക്കും നിർദേശം നൽകി. യാത്രയ്ക്കിടെ നിയമപ്രശ്നങ്ങൾ ഒഴിവാക്കാൻ ഈ നിർദേശങ്ങൾ കർശനമായി പാലിക്കണമെന്നും അധികൃതർ ഓർമിപ്പിച്ചു.

യുഎഇയിൽ ഗ്രാറ്റുവിറ്റി എങ്ങനെ കണക്കാക്കാം? അറിയാം അന്തിമ സെറ്റിൽമെന്റിലെ പ്രധാന കാര്യങ്ങൾ

അടിസ്ഥാന ശമ്പളത്തിന്റെ അടിസ്ഥാനത്തിൽ ആനുകൂല്യം; രണ്ട് വർഷത്തെ വേതനമാണ് പരമാവധി പരിധി

ദുബായ്: യുഎഇയിൽ ജോലി അവസാനിപ്പിക്കുമ്പോൾ ലഭിക്കേണ്ട ആനുകൂല്യങ്ങളും മറ്റ് കുടിശ്ശികകളും സംബന്ധിച്ച് വ്യക്തമായ ധാരണയില്ലാത്തത് പല ജീവനക്കാർക്കും ആശയക്കുഴപ്പമുണ്ടാക്കാറുണ്ട്. സ്വകാര്യ മേഖലയിലെ വിദേശ തൊഴിലാളികൾക്ക് ലഭിക്കുന്ന സേവനാനന്തര ആനുകൂല്യമായ ഗ്രാറ്റുവിറ്റി (End of Service Gratuity – EOS) ഇതിൽ പ്രധാനമാണ്. അവസാന അടിസ്ഥാന ശമ്പളത്തിന്റെ അടിസ്ഥാനത്തിലാണ് ഗ്രാറ്റുവിറ്റി കണക്കാക്കുന്നത്. മൊത്തം ശമ്പളമല്ല ഇതിന് പരിഗണിക്കുന്നത്. കുറഞ്ഞത് ഒരു വർഷത്തെ തുടർച്ചയായ സേവനം പൂർത്തിയാക്കിയ ജീവനക്കാർക്കാണ് സാധാരണയായി ഇതിന് അർഹതയുള്ളത്. ആദ്യത്തെ അഞ്ച് വർഷത്തെ സേവനത്തിന് ഓരോ വർഷവും 21 ദിവസത്തെ അടിസ്ഥാന ശമ്പളവും അതിനുശേഷമുള്ള ഓരോ വർഷത്തിനും 30 ദിവസത്തെ അടിസ്ഥാന ശമ്പളവുമാണ് കണക്കാക്കുന്നത്. ഒരു വർഷം പൂർത്തിയാക്കിയ ശേഷം അധികമായി ജോലി ചെയ്ത കാലയളവിനും ആനുപാതികമായ ഗ്രാറ്റുവിറ്റി ലഭിക്കും. എന്നാൽ ആകെ ഗ്രാറ്റുവിറ്റി രണ്ട് വർഷത്തെ വേതനത്തിൽ കൂടുതലാകാൻ പാടില്ല.

ഗ്രാറ്റുവിറ്റിക്ക് പുറമെ ഉപയോഗിക്കാത്ത വാർഷിക അവധിയുടെ പണവും ജീവനക്കാരന് ലഭിക്കേണ്ടതാണ്. ഇത് ഗ്രാറ്റുവിറ്റിയുടെ ഭാഗമല്ല, മറിച്ച് പ്രത്യേകമായി നൽകേണ്ട മറ്റൊരു ആനുകൂല്യമാണ്. അതേസമയം, നിയമപരമായ വ്യവസ്ഥകളും നടപടിക്രമങ്ങളും പാലിക്കുന്ന സാഹചര്യത്തിൽ ജീവനക്കാരനിൽ നിന്ന് തിരിച്ചുപിടിക്കാനുള്ള വായ്പാ തുക, അധികമായി നൽകിയ ശമ്പളം, അച്ചടക്ക നടപടികളുമായി ബന്ധപ്പെട്ട നിയമപരമായ തുകകൾ, ജീവനക്കാരൻ വരുത്തിയ നാശനഷ്ടങ്ങൾക്കുള്ള നഷ്ടപരിഹാരം എന്നിവ അന്തിമ സെറ്റിൽമെന്റിൽ നിന്ന് കുറയ്ക്കാൻ തൊഴിലുടമയ്ക്ക് സാധിക്കും. ഇത്തരം കിഴിവുകൾ നിയമം അനുവദിക്കുന്ന പരിധിയിലും നടപടിക്രമങ്ങളിലും മാത്രമായിരിക്കണം. അതിനാൽ ഓരോ കിഴിവിന്റെയും കാരണം ജീവനക്കാർ പരിശോധിക്കേണ്ടതുണ്ട്.

അന്തിമ സെറ്റിൽമെന്റ് രേഖകളിൽ ഒപ്പിടുന്നതിന് മുമ്പ് ജീവനക്കാർ പ്രത്യേകം ശ്രദ്ധിക്കണമെന്ന് എംഐഒ ആൻഡ് പാർട്ണേഴ്‌സിന്റെ മാനേജിംഗ് പാർട്ണർ അഹമ്മദ് ഒഡെ ഗൾഫ് ന്യൂസിനോട് പറഞ്ഞു. ഗ്രാറ്റുവിറ്റി, ഉപയോഗിക്കാത്ത അവധി ദിവസങ്ങളുടെ തുക, മറ്റ് കുടിശ്ശികകൾ, നിയമപരമായ കിഴിവുകൾ എന്നിവ ഉൾപ്പെടുത്തിയ വിശദമായ രേഖാമൂലമുള്ള കണക്കുവിവരങ്ങൾ തൊഴിലുടമയോട് ആവശ്യപ്പെടണം. പണം യഥാർഥത്തിൽ ലഭിക്കുന്നതിന് മുമ്പ് ‘എല്ലാ കുടിശ്ശികകളും ലഭിച്ചു’ എന്ന് സ്ഥിരീകരിക്കുന്ന രേഖകളിലോ ക്ലിയറൻസ് ഫോമുകളിലോ ഒപ്പിടുന്നത് ഒഴിവാക്കണം. തുകയിൽ കുറവുണ്ടെന്ന് തോന്നുന്നുവെങ്കിൽ, അത് സംബന്ധിച്ച അവകാശങ്ങൾ ഉപേക്ഷിക്കാതെ വ്യക്തത തേടുകയും വേണം. അന്തിമ സെറ്റിൽമെന്റ് കൃത്യമായി പരിശോധിച്ചശേഷം മാത്രം നടപടികൾ പൂർത്തിയാക്കുന്നതാണ് ജീവനക്കാർക്ക് സുരക്ഷിതം.

അബൂദബിയിൽ പാർക്കിങ് നിയമങ്ങൾ അറിയാം; പിഴ ഒഴിവാക്കാം

വെള്ള-നീല, കറുപ്പ്-നീല വരകൾ തിരിച്ചറിയാം; നിരക്കുകളും സമയപരിധിയും ശ്രദ്ധിക്കണം

അബൂദബി | അബൂദബിയിൽ വാഹനങ്ങൾ പാർക്ക് ചെയ്യുമ്പോൾ മേഖലയുടെ നിറവും അടയാളങ്ങളും തിരിച്ചറിഞ്ഞിരിക്കണം. കർബിൽ വെള്ളയും നീലയും നിറത്തിലുള്ള വരകളുള്ളത് പ്രീമിയം പാർക്കിങ്ങിനെയാണ് സൂചിപ്പിക്കുന്നത്. ഇതിന് മണിക്കൂറിന് 3 ദിർഹമാണ് നിരക്ക്. കറുപ്പും നീലയും നിറത്തിലുള്ള വരകളുള്ളത് സാധാരണ പാർക്കിങ്ങാണ്; മണിക്കൂറിന് 2 ദിർഹമാണ് നിരക്ക്. ചില പാർക്കിങ് സ്ഥലങ്ങൾ താമസക്കാർക്ക് മാത്രമായി അനുവദിച്ചിട്ടുള്ളതാണ്. ഇത്തരം റെസിഡൻഷ്യൽ മേഖലകളിൽ രാത്രി 9 മുതൽ രാവിലെ 8 വരെ താമസക്കാർക്ക് മാത്രമാണ് പാർക്കിങ് അനുവദിച്ചിട്ടുള്ളത്.

വാഹനം പാർക്ക് ചെയ്യുന്നതിന് മുമ്പ് സ്ഥലത്തെ ബോർഡുകളും നിർദേശങ്ങളും പരിശോധിച്ച് നിരക്കും അനുവദിച്ച സമയവും ഉറപ്പാക്കണം. പാർക്കിങ് അനുവദിച്ചിട്ടുള്ള സ്ഥലങ്ങളിൽ മാത്രമേ വാഹനം നിർത്താവൂ. പാർക്കിങ് മേഖലയിലെ വരകളുടെ നിറം, നിരക്ക്, സമയപരിധി, താമസക്കാർക്കുള്ള നിയന്ത്രണങ്ങൾ എന്നിവ ശ്രദ്ധിക്കണം. അനുമതിയില്ലാത്ത സ്ഥലങ്ങളിൽ പാർക്ക് ചെയ്യുന്നതും നിയമങ്ങൾ ലംഘിക്കുന്നതും പിഴയ്ക്ക് കാരണമാകാം. നിയമങ്ങൾ കൃത്യമായി പാലിക്കുന്നത് അനാവശ്യ പിഴകൾ ഒഴിവാക്കാൻ സഹായിക്കും.

യുഎഇയിൽ ക്രെഡിറ്റ് കാർഡ് ഉപയോഗിക്കുന്നവർ ശ്രദ്ധിക്കുക: പലിശഭാരം കുറയ്ക്കാൻ തിരിച്ചടവിൽ ചെറിയ മാറ്റം മതി!

മിനിമം തുക മാത്രം അടച്ചാൽ കടം തീരാൻ 9 വർഷത്തോളം; പലിശയിനത്തിൽ മാത്രം നൽകേണ്ടിവരുന്നത് 12,250 ിർഹം വര

ദുബായ്: ക്രെഡിറ്റ് കാർഡുകളുടെ അമിത ഉപയോഗം മൂലം സാമ്പത്തിക പ്രതിസന്ധിയിലായ മലയാളികൾ ഉൾപ്പെടെയുള്ള പ്രവാസികൾക്ക് മുന്നറിയിപ്പുമായി യുഎഇയിലെ സാമ്പത്തിക വിദഗ്ധർ. ബാങ്ക് അനുവദിക്കുന്ന ക്രെഡിറ്റ് ലിമിറ്റ് പൂർണമായി ചെലവഴിക്കാനുള്ള തുകയല്ലെന്നും വരുമാനത്തിന് അനുസരിച്ച് ചെലവുകൾ നിയന്ത്രിക്കണമെന്നും അവർ നിർദേശിക്കുന്നു. ഉദാഹരണത്തിന്, 10,000 ദിർഹം കാർഡ് കുടിശ്ശികയുള്ള ഒരാൾ ഓരോ മാസവും മിനിമം പേയ്മെന്റ് മാത്രം അടച്ചാൽ കടം തീർക്കാൻ ഏകദേശം 8 വർഷവും 9 മാസവും വേണ്ടിവരാം. ആകെ തിരിച്ചടവ് ഏകദേശം 22,257 ദിർഹമാകുമ്പോൾ 12,250 ദിർഹത്തോളം പലിശയ്ക്കായി മാത്രം ചെലവാകാം. യുഎഇയിൽ ബാങ്കിനും കാർഡിനും അനുസരിച്ച് പ്രതിമാസ പലിശ 2–4 ശതമാനം വരെയാകാം; വാർഷിക അടിസ്ഥാനത്തിൽ ഇത് 30–45 ശതമാനം വരെ ഉയരാം. അടയ്ക്കാത്ത തുകയിലേക്ക് തുടർന്നും പലിശ ചേർന്ന് വരുന്നതിനാൽ കടബാധ്യത വർധിക്കും. അതിനാൽ മാസത്തിലെ മുഴുവൻ കുടിശ്ശികയും അടയ്ക്കുകയോ മിനിമം തുകയേക്കാൾ കൂടുതൽ തിരിച്ചടയ്ക്കുകയോ ചെയ്യുന്നത് പലിശഭാരം കുറയ്ക്കാൻ സഹായിക്കും. മിനിമം തിരിച്ചടവിൽ ചെറിയ വർധന വരുത്തുന്നതുപോലും വലിയ മാറ്റമുണ്ടാക്കാം.

ഒന്നിലധികം ക്രെഡിറ്റ് കാർഡുകൾ കൈവശം വയ്ക്കുന്നതും റിവാർഡുകൾക്കും ഓഫറുകൾക്കുമായി അവ ഉപയോഗിക്കുന്നതും സാമ്പത്തിക ബാധ്യത വർധിപ്പിക്കാം. യുഎഇയിൽ കടബാധ്യതാ അനുപാതം (Debt Burden Ratio – DBR) പരമാവധി 50 ശതമാനമാണ്. അതായത്, 10,000 ദിർഹം പ്രതിമാസ വരുമാനമുള്ള ഒരാളുടെ ആകെ പ്രതിമാസ വായ്പാ തിരിച്ചടവുകൾ 5,000 ദിർഹത്തിൽ കവിയരുത്. പുതിയ വായ്പ അനുവദിക്കുമ്പോൾ ഉപയോഗിക്കാത്ത ക്രെഡിറ്റ് കാർഡുകളുടെ പരിധിയുടെ 5 ശതമാനം പോലും തിരിച്ചടവ് ബാധ്യതയായി ബാങ്കുകൾ കണക്കാക്കാം. വൈകിയുള്ള പേയ്മെന്റുകൾക്കുള്ള പിഴ, എടിഎമ്മിലൂടെ പണം പിൻവലിക്കുമ്പോഴുള്ള ഉയർന്ന ചാർജുകൾ, വിദേശ കറൻസി ഇടപാടുകളിലെ അധിക ചെലവുകൾ എന്നിവയും ശ്രദ്ധിക്കണം. യുഎഇ സെൻട്രൽ ബാങ്കിന്റെ 2026 രണ്ടാം പാദ വായ്പാ വിലയിരുത്തൽ റിപ്പോർട്ട് പ്രകാരം, വ്യക്തിഗത വായ്പകൾ അനുവദിക്കുന്നതിൽ ധനകാര്യ സ്ഥാപനങ്ങൾ കൂടുതൽ ജാഗ്രത പുലർത്തുന്നുണ്ട്. കാർ ലോൺ, ക്രെഡിറ്റ് കാർഡ്, ഭവനവായ്പ തുടങ്ങിയവയുടെ വിതരണത്തിൽ കുറവുണ്ടായെങ്കിലും വരും പാദത്തിൽ ക്രെഡിറ്റ് കാർഡ്, ഭവനവായ്പാ മേഖലകളിൽ കൂടുതൽ പുരോഗതി പ്രതീക്ഷിക്കുന്നു.

പുതുതായി യുഎഇയിലെത്തുന്നവർക്ക് ക്രെഡിറ്റ് കാർഡുകൾ നല്ലൊരു ക്രെഡിറ്റ് സ്കോർ കെട്ടിപ്പടുക്കാൻ സഹായിക്കുമെങ്കിലും അനാവശ്യ ചെലവുകൾ പിന്നീട് തിരിച്ചടിയാകാം. കൈവശമില്ലാത്ത പണം ദൈനംദിന ആവശ്യങ്ങൾക്കായി കാർഡ് വഴി ചെലവഴിക്കുന്നതാണ് പലരെയും കടക്കെണിയിലാക്കുന്നത്. അതിനാൽ വരുമാനത്തിന് അനുസരിച്ച് മാത്രം കാർഡ് ഉപയോഗിക്കുക, ഓരോ മാസവും കുടിശ്ശിക കൃത്യസമയത്ത് അടയ്ക്കുക, ഒന്നിലധികം കാർഡുകൾ എടുക്കുന്നതിന് മുമ്പ് അതിന്റെ ആവശ്യകത വിലയിരുത്തുക എന്നിവ പ്രധാനമാണ്. ക്രെഡിറ്റ് കാർഡ് ശരിയായ രീതിയിൽ ഉപയോഗിച്ചാൽ പ്രയോജനകരമായ സാമ്പത്തിക ഉപകരണമാണ്; എന്നാൽ തിരിച്ചടവ് നിയന്ത്രിക്കാതെ ഉപയോഗിച്ചാൽ പലിശയും മറ്റ് ചാർജുകളും ചേർന്ന് വലിയ സാമ്പത്തിക ബാധ്യതയായി മാറുമെന്ന് വിദഗ്ധർ മുന്നറിയിപ്പ് നൽകുന്നു.

75% മാർക്ക് നേടിയാലും ഡ്രൈവിങ് ടെസ്റ്റ് പരാജയപ്പെടാം; യുഎഇയിൽ പുതിയ നിയമം

അപകടകരമായ ഡ്രൈവിങ് പിഴവുകൾക്ക് ഇനി കർശന നടപടി; 2027 ജനുവരി 1 മുതൽ മാറ്റങ്ങൾ

ദുബായ്: യുഎഇയിൽ ഡ്രൈവിങ് പരീക്ഷയിൽ 75 ശതമാനം മാർക്ക് നേടിയാലും ലൈസൻസ് ഉറപ്പാകില്ല. പരീക്ഷയ്ക്കിടെ ഗുരുതരമായ പിഴവുകൾ വരുത്തുകയോ അപകടസാധ്യത സൃഷ്ടിക്കുകയോ ചെയ്താൽ ഉദ്യോഗാർഥിയെ പരാജയപ്പെടുത്താൻ വ്യവസ്ഥ ചെയ്യുന്ന പുതിയ ഫെഡറൽ ഗതാഗത നിയമം പ്രഖ്യാപിച്ചു. 2027 ജനുവരി 1 മുതലാണ് പുതിയ മാറ്റങ്ങൾ പ്രാബല്യത്തിൽ വരുന്നത്.

2024ലെ 14-ാം നമ്പർ ഫെഡറൽ നിയമത്തിന്റെ എക്സിക്യൂട്ടീവ് ചട്ടങ്ങൾ ഉൾപ്പെടുത്തിയ കാബിനറ്റ് തീരുമാനം 174 (2026) ഒക്ടോബർ 6ന് ഔദ്യോഗിക ഗസറ്റിൽ പ്രസിദ്ധീകരിച്ചു. ഇതോടെ തിയറി, പ്രാക്ടിക്കൽ ഡ്രൈവിങ് പരീക്ഷകളുടെ ഘടനയിലും വിലയിരുത്തൽ മാനദണ്ഡങ്ങളിലും മാറ്റങ്ങൾ വരും.

പരാജയത്തിന് കാരണമാകാവുന്ന പ്രധാന പിഴവുകൾ

* ബാരിക്കേഡുകളിൽ തട്ടുക: വാഹനം അല്ലെങ്കിൽ ചക്രങ്ങൾ ബാരിക്കേഡുകളിലും റോഡിന്റെ അതിർത്തികളിലും തട്ടുന്നത്.

* സ്റ്റാർട്ടിങ്ങിലെ നിയന്ത്രണക്കേട്: വാഹനം ആരംഭിക്കുമ്പോൾ നിയന്ത്രണം നഷ്ടപ്പെട്ട് മുന്നോട്ടോ പിന്നോട്ടോ നീങ്ങുന്നത്.

* ഗിയർ മാറ്റത്തിലെ പിഴവ്: ഗിയറുകൾ ശരിയായ രീതിയിൽ മാറ്റാൻ കഴിയാത്തത്.

* പാർക്കിങ് പിഴവ്: നിർദിഷ്ട സ്ഥലത്ത് വാഹനം കൃത്യമായി പാർക്ക് ചെയ്യാൻ കഴിയാത്തത്.

* ട്രാഫിക് നിയമലംഘനം: സിഗ്നലുകളും റോഡ് അടയാളങ്ങളും അവഗണിക്കുന്നത്.

ആർട്ടിക്കിൾ 68 പ്രകാരം, പ്രാക്ടിക്കൽ പരീക്ഷയിൽ 75 ശതമാനത്തിലധികം മാർക്ക് ലഭിച്ചാലും ഗുരുതരമായ പിഴവുകൾ വരുത്തുന്ന ഉദ്യോഗാർഥികൾക്ക് പരാജയം നേരിടേണ്ടിവരും.

Leaving Your Job in the UAE? Know the Notice Period Rules

Notice periods range from 30 to 90 days; employees and employers must follow the terms of the employment contract

Dubai: Under Article 43 of Federal Decree-Law No. 33 of 2021, notice periods for private-sector employment contracts in the UAE must be at least 30 days and no more than 90 days. The notice period stated in an employee’s MOHRE-registered contract generally applies equally to both the employer and the employee, unless a different arrangement provides a benefit to the employee.

During the notice period, the employment contract remains valid and the employee is entitled to their full salary based on their final wage. The employer and employee may also mutually agree to waive or shorten the notice period, provided the employee’s legal rights are protected.

If either party fails to give the required notice, they may be required to pay a notice-period allowance equivalent to the employee’s wage for the applicable notice period. Employees should therefore carefully check their employment contract before resigning or ending an employment relationship.

ചില പ്രത്യേക സാഹചര്യങ്ങളിൽ നോട്ടീസ് കൂടാതെ രാജിവെക്കാൻ ജീവനക്കാർക്ക് നിയമപരമായ അവകാശമുണ്ട്.

നോട്ടീസ് പിരീഡ് നൽകാതെ യുഎഇയിൽ ജോലി വിടാമോ? നിയമം അനുവദിക്കുന്ന 4 സാഹചര്യങ്ങൾ!

യുഎഇ: സ്വകാര്യ മേഖലയിൽ സാധാരണയായി ജോലി രാജിവെക്കുമ്പോൾ തൊഴിൽ കരാറിൽ വ്യക്തമാക്കിയിട്ടുള്ള 30 മുതൽ 90 ദിവസം വരെയുള്ള നോട്ടീസ് പിരീഡ് പാലിക്കണം. എന്നാൽ, ഫെഡറൽ ഡിക്രി-ലോ നമ്പർ 33/2021-ലെ ആർട്ടിക്കിൾ 45 പ്രകാരം, നിശ്ചിത വ്യവസ്ഥകൾ പാലിക്കുന്ന നാല് സാഹചര്യങ്ങളിൽ നോട്ടീസ് പിരീഡ് പൂർത്തിയാക്കാതെ ജോലി വിടാൻ ജീവനക്കാർക്ക് സാധിക്കും.

• 1. തൊഴിലുടമ നിയമപരമായ ബാധ്യതകൾ ലംഘിച്ചാൽ: തൊഴിൽ കരാറിലോ നിയമത്തിലോ വ്യക്തമാക്കിയിട്ടുള്ള ബാധ്യതകൾ തൊഴിലുടമ പാലിക്കാതിരുന്നാൽ, ജീവനക്കാരന് മാനവവിഭവശേഷി സ്വദേശിവൽക്കരണ മന്ത്രാലയത്തെ (MOHRE) അറിയിക്കാം. മന്ത്രാലയം തൊഴിലുടമയെ അറിയിച്ചിട്ടും പ്രശ്നം പരിഹരിക്കാത്ത പക്ഷം, മന്ത്രാലയത്തെ അറിയിച്ച തീയതി മുതൽ 14 പ്രവൃത്തി ദിവസങ്ങൾക്കുശേഷം നോട്ടീസ് പിരീഡ് കൂടാതെ ജോലി വിടാൻ നിയമം അനുവദിക്കുന്നു.

• 2. ജോലിസ്ഥലത്ത് ആക്രമണമോ പീഡനമോ നേരിട്ടാൽ: തൊഴിലുടമയോ അവരുടെ നിയമപരമായ പ്രതിനിധിയോ ജീവനക്കാരനെ ആക്രമിക്കുകയോ അക്രമം നടത്തുകയോ ഉപദ്രവിക്കുകയോ ചെയ്തതായി തെളിയുന്ന സാഹചര്യത്തിൽ, ബന്ധപ്പെട്ട അധികാരികളെയും MOHRE-യെയും സംഭവം റിപ്പോർട്ട് ചെയ്യാൻ കഴിഞ്ഞ തീയതി മുതൽ അഞ്ച് പ്രവൃത്തി ദിവസത്തിനുള്ളിൽ അറിയിച്ചാൽ നോട്ടീസ് കൂടാതെ ജോലി വിടാൻ സാധിക്കും.

• 3. ജോലിസ്ഥലത്ത് ഗുരുതരമായ സുരക്ഷാ ഭീഷണിയുണ്ടെങ്കിൽ: ജീവനക്കാരന്റെ സുരക്ഷയ്ക്കോ ആരോഗ്യത്തിനോ ഗുരുതരമായ അപകടം സൃഷ്ടിക്കുന്ന സാഹചര്യം ജോലിസ്ഥലത്തുണ്ടാകുകയും, തൊഴിലുടമയ്ക്ക് അതിനെക്കുറിച്ച് അറിവുണ്ടായിട്ടും അപകടം പരിഹരിക്കാൻ ആവശ്യമായ നടപടികൾ സ്വീകരിക്കാതിരിക്കുകയും ചെയ്താൽ, നോട്ടീസ് പിരീഡ് കൂടാതെ ജോലി വിടാൻ നിയമം അനുവദിക്കുന്നു.

• 4. കരാറിൽ സമ്മതിച്ച ജോലിയിൽനിന്ന് അടിസ്ഥാനപരമായി വ്യത്യസ്തമായ ജോലി ഏൽപ്പിച്ചാൽ: തൊഴിൽ കരാറിൽ സമ്മതിച്ച ജോലിയിൽനിന്ന് തികച്ചും വ്യത്യസ്തമായ ജോലി ജീവനക്കാരന്റെ രേഖാമൂലമുള്ള സമ്മതമില്ലാതെ തൊഴിലുടമ ഏൽപ്പിച്ചാൽ, നോട്ടീസ് കൂടാതെ ജോലി വിടാൻ അർഹതയുണ്ടാകാം. എന്നാൽ, യുഎഇ തൊഴിൽ നിയമത്തിലെ ആർട്ടിക്കിൾ 12 പ്രകാരമുള്ള ഒഴിവുകൾ ഇതിന് ബാധകമാണ്.

ശ്രദ്ധിക്കുക: ഈ വ്യവസ്ഥകൾ ബാധകമാണെന്ന് ഉറപ്പാക്കാതെ ജോലി ഉപേക്ഷിക്കരുത്. ആവശ്യമായ തെളിവുകളും ഔദ്യോഗിക അറിയിപ്പുകളും സൂക്ഷിക്കുക. നിങ്ങളുടെ സാഹചര്യം അനുസരിച്ച് നിയമപരമായ വ്യവസ്ഥകൾ വ്യത്യാസപ്പെടാം. സംശയമുണ്ടെങ്കിൽ MOHRE-യെയോ യോഗ്യനായ നിയമവിദഗ്ധനെയോ സമീപിക്കുക.

യുഎഇ വിസയുള്ളവർ ശ്രദ്ധിക്കുക: ആറുമാസത്തിലധികം വിദേശത്ത് കഴിഞ്ഞാൽ വിസയ്ക്ക് എന്ത് സംഭവിക്കും?

വിസ സാധുതയുണ്ടെങ്കിലും രാജ്യത്തിന് പുറത്ത് ദീർഘകാലം കഴിയുന്നവർ അറിഞ്ഞിരിക്കേണ്ട പ്രധാന കാര്യങ്ങൾ

യുഎഇ വിസയുള്ള ജീവനക്കാരും അവരുടെ ആശ്രിതരും (Dependents) ആറുമാസത്തിലധികം രാജ്യത്തിന് പുറത്ത് തുടരുമ്പോൾ വിസയുടെ സാധുതയെക്കുറിച്ച് ആശങ്കപ്പെടാറുണ്ട്. വിസയുടെ കാലാവധി കഴിഞ്ഞിട്ടില്ലെങ്കിലും, തുടർച്ചയായി ആറുമാസത്തിലധികം യുഎഇയ്ക്ക് പുറത്താണെങ്കിൽ സാധാരണയായി വിസ റദ്ദാകാൻ സാധ്യതയുണ്ട്.

എന്നാൽ ചില സാഹചര്യങ്ങളിൽ Re-entry Permit ലഭിക്കുന്നതിനുള്ള സൗകര്യമുണ്ട്. വിസ സാധുവായിരിക്കെ ആറുമാസത്തിലധികം യുഎഇയ്ക്ക് പുറത്തായവർക്ക് Amer കേന്ദ്രങ്ങൾ, GDRFA അല്ലെങ്കിൽ ICP വഴി റീ-എൻട്രി പെർമിറ്റിന് അപേക്ഷിക്കാം. പെർമിറ്റ് ലഭിച്ചാൽ വീണ്ടും യുഎഇയിലേക്ക് പ്രവേശിക്കാൻ സാധിക്കും.

നിശ്ചിത കാലയളവ് കഴിഞ്ഞിട്ടും ആവശ്യമായ Re-entry Permit ഇല്ലാതെ വിദേശത്ത് തുടരുകയാണെങ്കിൽ, വിസ ഓട്ടോമാറ്റിക്കായി റദ്ദാകാൻ സാധ്യതയുണ്ട്. അതിനാൽ ആറുമാസത്തിലധികം യുഎഇയ്ക്ക് പുറത്തു കഴിയേണ്ട സാഹചര്യമുണ്ടെങ്കിൽ, വിസയുടെ നിലവിലെ സ്റ്റാറ്റസ് പരിശോധിച്ച് ആവശ്യമായ അനുമതി മുൻകൂട്ടി നേടുന്നത് പ്രധാനമാണ്.

വാഹനം വിട്ടുകിട്ടാൻ ഒരു ലക്ഷം ദിർഹം വരെ നൽകേണ്ടിവരും; ദുബൈയിൽ കർശന നടപടി

ഗുരുതര ഗതാഗത നിയമലംഘനങ്ങൾക്ക് 10,000 മുതൽ 1,00,000 ദിർഹം വരെ റിലീസ് ഫീസ്

ദുബൈ: ഗതാഗത നിയമലംഘനങ്ങളെ തുടർന്ന് പിടിച്ചെടുക്കുന്ന വാഹനങ്ങൾ വിട്ടുകിട്ടാൻ കുറ്റത്തിന്റെ ഗൗരവമനുസരിച്ച് 10,000 ദിർഹം മുതൽ ഒരു ലക്ഷം ദിർഹം വരെ നൽകേണ്ടിവരും. 2023ലെ ഡിക്രി നമ്പർ 30 പ്രകാരമാണ് ദുബൈയിൽ ഈ നടപടികൾ നടപ്പാക്കുന്നത്. 2026ലെ ആദ്യ ഒൻപത് മാസത്തിനിടെ അമിത ശബ്ദമുണ്ടാക്കിയതിനും അനധികൃത രൂപമാറ്റം വരുത്തിയതിനും 1,630 വാഹനങ്ങൾ ദുബൈ പൊലീസ് പിടിച്ചെടുത്തതായാണ് റിപ്പോർട്ട്.

പൊലീസിന്റെ ഔദ്യോഗിക അനുമതിയില്ലാതെ റോഡ് റേസുകളിൽ പങ്കെടുക്കുന്നവർക്ക് വാഹനം വിട്ടുകിട്ടാൻ ഒരു ലക്ഷം ദിർഹമാണ് ഫീസ്. റെഡ് സിഗ്നൽ മറികടക്കുക, വ്യാജമോ കൃത്രിമമോ ആയ നമ്പർ പ്ലേറ്റുകൾ ഉപയോഗിക്കുക, നമ്പർ പ്ലേറ്റ് മറയ്ക്കുക, പൊതുജനങ്ങളുടെ ജീവനും സ്വത്തിനും ഭീഷണിയാകുന്ന രീതിയിൽ വാഹനമോടിക്കുക, 18 വയസ്സിന് താഴെ വാഹനമോടിക്കുക, പൊലീസ് വാഹനങ്ങൾക്ക് മനഃപൂർവം കേടുപാടുകൾ വരുത്തുക തുടങ്ങിയ ഗുരുതര നിയമലംഘനങ്ങൾക്ക് 50,000 ദിർഹം നൽകേണ്ടിവരും.

വാഹനത്തിന്റെ വേഗത വർധിപ്പിക്കാനോ അമിത ശബ്ദമുണ്ടാക്കാനോ അനധികൃത മാറ്റങ്ങൾ വരുത്തുക, പൊലീസിൽനിന്ന് രക്ഷപ്പെടാൻ ശ്രമിക്കുക, നമ്പർ പ്ലേറ്റില്ലാതെ വാഹനമോടിക്കുക, അനുമതിയില്ലാത്ത റേസുകളും സ്റ്റണ്ടുകളും നടത്തുക അല്ലെങ്കിൽ അവ കാണാൻ റോഡുകളിൽ കൂട്ടംകൂടുക, അനുവദനീയമായ പരിധി ലംഘിച്ച് വാഹനത്തിന്റെ ഗ്ലാസുകളിൽ ടിന്റിങ് നടത്തുക തുടങ്ങിയ കുറ്റങ്ങൾക്ക് 10,000 ദിർഹമാണ് റിലീസ് ഫീസ്. നിയമലംഘനത്തിന്റെ സ്വഭാവമനുസരിച്ച് കർശന നടപടികൾ സ്വീകരിക്കുമെന്ന് അധികൃതർ മുന്നറിയിപ്പ് നൽകുന്നു.

തൊഴിൽ നിയമം ലംഘിച്ചാൽ കമ്പനികൾക്ക് 10 ലക്ഷം ദിർഹം വരെ പിഴ!

വർക്ക് പെർമിറ്റിലെ ക്രമക്കേടുകൾ ഉൾപ്പെടെ അഞ്ച് പ്രധാന നിയമലംഘനങ്ങളിൽ കർശന നടപടി

അബൂദബി: യുഎഇയിലെ സ്വകാര്യ മേഖലയിലെ തൊഴിൽ നിയമങ്ങൾ ലംഘിക്കുന്ന സ്ഥാപനങ്ങൾക്ക് ഒരു ലക്ഷം മുതൽ പത്ത് ലക്ഷം ദിർഹം വരെ പിഴ ചുമത്തുമെന്ന് മാനവവിഭവശേഷി സ്വദേശിവത്കരണ മന്ത്രാലയം (MoHRE) മുന്നറിയിപ്പ് നൽകി. സാധുവായ വർക്ക് പെർമിറ്റില്ലാതെ തൊഴിലാളികളെ നിയമിക്കുക, റിക്രൂട്ട് ചെയ്തവർക്ക് യഥാർഥ ജോലിയും ചുമതലകളും നൽകാതിരിക്കുക, അനുവദിച്ച ആവശ്യത്തിനല്ലാതെ പെർമിറ്റുകൾ ഉപയോഗിക്കുക, തൊഴിലാളികളുടെ നിയമപരമായ അവകാശങ്ങളും ആനുകൂല്യങ്ങളും തീർപ്പാക്കാതെ സ്ഥാപനം അടച്ചുപൂട്ടുക, നിയമവിരുദ്ധമായി പ്രായപൂർത്തിയാകാത്തവരെ ജോലിക്കെടുക്കുക എന്നിവയാണ് മന്ത്രാലയം ചൂണ്ടിക്കാട്ടിയ പ്രധാന ലംഘനങ്ങൾ.

തൊഴിൽ വിപണിയുടെ ആവശ്യങ്ങൾക്കനുസരിച്ച് വിവിധ വിഭാഗങ്ങളിലായി 12 തരത്തിലുള്ള വർക്ക് പെർമിറ്റുകളും മന്ത്രാലയം വിശദീകരിച്ചു. വിദേശത്തുനിന്നുള്ള റിക്രൂട്ട്‌മെന്റ്, സ്ഥാപനങ്ങൾക്കിടയിലെ ട്രാൻസ്ഫർ, കുടുംബ വീസയിലുള്ളവരുടെ നിയമനം, താൽക്കാലിക ജോലി, മിഷൻ ജോലി, പാർട്ട് ടൈം ജോലി, ജുവനൈൽ പെർമിറ്റ്, വിദ്യാർഥി പരിശീലനം, യുഎഇ-ജി.സി.സി പൗരന്മാർക്കുള്ള പെർമിറ്റ്, ഗോൾഡൻ വീസ ഉടമകൾക്കുള്ള പെർമിറ്റ്, ട്രെയിനി പെർമിറ്റ്, സ്വകാര്യ ട്യൂഷൻ പെർമിറ്റ് എന്നിവ ഇതിൽ ഉൾപ്പെടുന്നു.

തൊഴിലിന്റെ സ്വഭാവത്തിനും നിയമപരമായ ആവശ്യങ്ങൾക്കും അനുയോജ്യമായ വർക്ക് പെർമിറ്റ് തിരഞ്ഞെടുക്കുകയും നിബന്ധനകൾ പാലിക്കുകയും ചെയ്യേണ്ടത് തൊഴിലുടമകളുടെ ഉത്തരവാദിത്തമാണ്. തൊഴിൽ നിയമങ്ങൾ പാലിക്കുന്നത് തൊഴിലാളികളുടെ അവകാശങ്ങൾ സംരക്ഷിക്കുന്നതിനും തൊഴിൽ വിപണിയിലെ ക്രമക്കേടുകൾ തടയുന്നതിനും നിർണായകമാണെന്ന് മന്ത്രാലയം വ്യക്തമാക്കി.

യുഎഇയിൽ നാല് ഇന്ത്യൻ പാസ്‌പോർട്ട് കേന്ദ്രങ്ങൾ അടച്ചു; രേഖകൾ ഇനി എവിടെനിന്ന് ലഭിക്കും?

പാസ്‌പോർട്ട് കാത്തിരിക്കുന്നവർക്ക് പകരം കേന്ദ്രങ്ങൾ നിശ്ചയിച്ചു; സേവനസമയവും അപ്പോയിന്റ്മെന്റ് വിവരങ്ങളും അറിയാം

ദുബായ്/അബുദാബി: യുഎഇയിൽ അടച്ചുപൂട്ടിയ നാല് ഇന്ത്യൻ പാസ്‌പോർട്ട് സേവന കേന്ദ്രങ്ങളിൽനിന്ന് രേഖകൾ കൈപ്പറ്റാൻ കാത്തിരിക്കുന്നവർ ഇനി പകരം കേന്ദ്രങ്ങളെ സമീപിക്കണം. ദുബായ് ഇൻവെസ്റ്റ്‌മെന്റ് പാർക്ക് (DIP), ഷാർജ അൽ മജാസ് എന്നിവിടങ്ങളിൽനിന്ന് പാസ്‌പോർട്ട് കൈപ്പറ്റേണ്ടവർ ബർദുബായിലെ യു.ഡബ്ല്യു. മാളിലേക്കും അബുദാബിയിലെ മുസഫ, അൽ റീം കേന്ദ്രങ്ങളിൽനിന്ന് രേഖകൾ ലഭിക്കേണ്ടവർ അൽ ദാന സെന്ററിലേക്കുമാണ് പോകേണ്ടത്.

നാല് കേന്ദ്രങ്ങളും സ്ഥിരമായി അടച്ചതോടെ യുഎഇയിലെ ഇന്ത്യൻ വീസ, പാസ്‌പോർട്ട് സേവന കേന്ദ്രങ്ങളുടെ എണ്ണം 12 ആയി കുറഞ്ഞു. തത്കാൽ പാസ്‌പോർട്ട് അപേക്ഷകൾ, നവജാതശിശുക്കൾക്കുള്ള അപേക്ഷകൾ, എമർജൻസി സർട്ടിഫിക്കറ്റ് അപേക്ഷകൾ, 60 വയസ്സും അതിൽ കൂടുതലുമുള്ളവരുടെ അപേക്ഷകൾ എന്നിവ 12 കേന്ദ്രങ്ങളിലും മുൻകൂർ അപ്പോയിന്റ്മെന്റില്ലാതെ സ്വീകരിക്കും. ആദ്യം എത്തുന്നവർക്ക് ആദ്യം എന്ന ക്രമത്തിലായിരിക്കും സേവനം.

എല്ലാ കേന്ദ്രങ്ങളും രാവിലെ 8 മുതൽ വൈകിട്ട് 6 വരെ പ്രവർത്തിക്കും. നിശ്ചയിച്ച അപ്പോയിന്റ്മെന്റ് സമയത്തിന് 15 മിനിറ്റ് മുമ്പ് മാത്രമേ അപേക്ഷകർക്ക് അകത്ത് പ്രവേശിക്കാനാകൂ. consularsevainuae.com വഴി അപ്പോയിന്റ്മെന്റ് ബുക്ക് ചെയ്യാം. പുതിയ ബുക്കിങ്ങുകൾ ദിവസവും രാവിലെ 9നും രാത്രി 9നും ലഭ്യമാക്കും.

Dubai’s Final World Trade Centre Bridge to Open on October 30

Journey time between Al Majlis Street and 2nd December Street to drop from six minutes to just one

Dubai | The final bridge under the World Trade Centre Roundabout Development Project will open to traffic on Friday, October 30. The opening is expected to reduce journey time between Al Majlis Street and 2nd December Street from six minutes to just one minute, improving daily commutes for motorists.

The 1,000-metre-long, two-lane bridge will accommodate around 3,000 vehicles per hour. It is designed to ease congestion at one of Dubai’s key intersections, connecting Sheikh Zayed Road with nearby commercial and residential areas.

The Dh696-million-plus project includes five bridges with a combined length of 5,000 metres. With the final bridge opening, all major works under the project will be completed. Mattar Al Tayer, Director General and Chairman of the Board of Executive Directors of Dubai’s Roads and Transport Authority (RTA), said the development supports the leadership’s directives to upgrade road infrastructure and strengthen connectivity across the emirate.