യുഎഇ: മഴയെത്തുടര്‍ന്ന് താല്‍ക്കാലികമായി അടച്ച പ്രധാന റോഡ് തുറന്നു .

യുഎഇ: യുഎഇയില്‍ മഴയെത്തുടര്‍ന്ന് താല്‍ക്കാലികമായി അടച്ച പ്രധാന റോഡ് തുറന്നു. ഔദ്യോഗിക ട്വീറ്റ് അനുസരിച്ച്, കല്‍ബയിലേക്കും ഫുജൈറയിലേക്കും നയിക്കുന്ന രണ്ട് ദിശകളിലേക്കും റോഡ് വീണ്ടും തുറന്നിരിക്കുന്നു. ശനിയാഴ്ച രാത്രി സമീപത്തെ താഴ്വരയില്‍ നിന്ന് മഴവെള്ളം ഒഴുകി റോഡ് പൊളിഞ്ഞതിനെ തുടര്‍ന്ന് റോഡ് അടച്ചിരുന്നു. പകരം ഷാര്‍ജ-അല്‍ ദൈദ് റോഡോ പുതിയ ഖോര്‍ഫക്കന്‍ റോഡോ ഉപയോഗിക്കണമെന്ന് പോലീസ് ഡ്രൈവര്‍മാര്‍ക്ക് നിര്‍ദ്ദേശം നല്‍കിയിരുന്നു.