ദുബായ് ഷോപ്പിംഗ് ഫെസ്റ്റിവല്‍: 90 ശതമാനം ഇളവുകൾ

ദുബായ്: ഡിസംബർ 26 ന് മജിദ്  അൽ ഫുത്തൈം മാളുകളില്‍ 12 മണിക്കൂര്‍ ദൈര്‍ഘ്യമുള്ള എക്സ്‌ക്ലൂസീവ് സെയില്‍ നടക്കും. 12 മണിക്കൂര്‍ സെയിലില്‍ ഉപഭോക്താക്കള്‍ക്ക് 90 % വരെ കിഴിവ് നല്‍കുന്നു. മാള്‍ ഓഫ് എമിറേറ്റ്സ്, സിറ്റി സെന്റര്‍ മിര്‍ദിഫ്, സിറ്റി സെന്റര്‍ ദെയ്റ, സിറ്റി സെന്റര്‍ മെയ്സെം, സിറ്റി സെന്റര്‍ അല്‍ ഷിന്ദഗ, മൈ സിറ്റി സെന്റര്‍ അല്‍ ബര്‍ഷ എന്നിവിടങ്ങളില്‍ 100-ലധികം പങ്കാളിത്ത ബ്രാന്‍ഡുകളില്‍ ഉപഭോക്താക്കള്‍ക്ക് 25 % മുതല്‍ 90 % വരെ കിഴിവുകള്‍ ലഭിക്കും. രാവിലെ 10 മുതല്‍ രാത്രി 10 വരെയാണ് സമയം. കുടുംബ-സൗഹൃദ തത്സമയ വിനോദ പ്രകടനങ്ങള്‍ കാണാനും വിലപ്പെട്ട നിരവധി റിവാര്‍ഡുകളും നേടാന്‍ അവസരമുണ്ട്. ദുബായ് പൗരന്മാര്‍ക്കും താമസക്കാര്‍ക്കും സന്ദര്‍ശകര്‍ക്കും വിജയം നേടാനാകും.