ക്ലാസുകൾ ആഗസ്റ്റ് 31ന് തുടങ്ങും; ശൈത്യ-വസന്ത അവധികളുടെ തീയതികളും പ്രഖ്യാപിച്ചു
ഷാർജ: ഷാർജ പ്രൈവറ്റ് എഡ്യൂക്കേഷൻ അതോറിറ്റി (SPEA) 2026-2027 അധ്യയന വർഷത്തേക്കുള്ള സ്വകാര്യ സ്കൂളുകളുടെ അക്കാദമിക് കലണ്ടർ പുറത്തിറക്കി. പുതിയ അധ്യയന വർഷത്തിലെ ക്ലാസുകൾ 2026 ആഗസ്റ്റ് 31ന് ആരംഭിക്കും. ഇന്ത്യൻ, പാകിസ്ഥാനി കരിക്കുലം പിന്തുടരുന്ന സ്കൂളുകൾ ഒഴികെയുള്ള ഷാർജയിലെ എല്ലാ സ്വകാര്യ സ്കൂളുകൾക്കും ഈ കലണ്ടർ ബാധകമാണ്.
പ്രഖ്യാപിച്ച കലണ്ടർ പ്രകാരം, വിദ്യാർഥികൾക്കുള്ള ശൈത്യകാല അവധി 2026 ഡിസംബർ 14ന് ആരംഭിക്കും. അവധിക്ക് ശേഷം 2027 ജനുവരി 4ന് ക്ലാസുകൾ വീണ്ടും തുടങ്ങും. വസന്തകാല അവധി 2027 ഏപ്രിൽ 5 മുതൽ 8 വരെയായിരിക്കും. തുടർന്ന് ഏപ്രിൽ 12ന് അധ്യയനം പുനരാരംഭിക്കും.
2026-2027 അധ്യയന വർഷം 2027 ജൂലൈ 1ന് അവസാനിക്കും. പഠനക്രമം, പരീക്ഷകൾ, വിവിധ അവധികൾ എന്നിവ മുൻകൂട്ടി ആസൂത്രണം ചെയ്യാൻ സ്കൂളുകൾക്കും വിദ്യാർഥികൾക്കും രക്ഷിതാക്കൾക്കും സഹായകരമാകുന്നതിനാണ് അക്കാദമിക് കലണ്ടർ നേരത്തേ പ്രഖ്യാപിച്ചതെന്ന് അതോറിറ്റി അറിയിച്ചു.
No comments:
Post a Comment