ദുബൈ പാർക്കിങ് പിഴ തെറ്റാണെന്ന് തോന്നുന്നുണ്ടോ? പരാതി നൽകാം

തെറ്റായാണ് പിഴ ചുമത്തിയതെന്ന് കരുതുന്നവർക്ക് RTAയുടെ ഔദ്യോഗിക സംവിധാനത്തിലൂടെ പിഴ പുനഃപരിശോധിക്കാൻ അപേക്ഷിക്കാം.

പിഴ തെറ്റായി നൽകിയതാണെന്ന് കരുതുന്നുവെങ്കിൽ RTA വെബ്സൈറ്റ് വഴിയുള്ള Dispute Fines സേവനത്തിലൂടെ പരാതി സമർപ്പിക്കാം. UAE Pass അല്ലെങ്കിൽ RTA അക്കൗണ്ട് ഉപയോഗിച്ച് ലോഗിൻ ചെയ്ത് ആവശ്യമായ പിഴയുടെയും വാഹനത്തിന്റെയും വിവരങ്ങൾ നൽകണം. ആവശ്യമായ രേഖകൾ ഉണ്ടെങ്കിൽ അവയും സമർപ്പിക്കാം.

ശ്രദ്ധിക്കേണ്ട കാര്യങ്ങൾ:

* പിഴ ലഭിച്ച തീയതി മുതൽ സാധാരണയായി 30 ദിവസത്തിനകം പരാതി നൽകണം.

* പരാതി നൽകുന്നതിന് ഫീസ് ഇല്ല.

* RTAയുടെ പരിശോധനയ്ക്ക് സാധാരണയായി 30 പ്രവൃത്തി ദിവസം വരെ എടുക്കാം.

* പരാതി അംഗീകരിച്ചാൽ പിഴ റദ്ദാക്കാം.

* പിഴ ഇതിനകം അടച്ചിട്ടുണ്ടെങ്കിൽ, പരാതി അംഗീകരിക്കുന്ന സാഹചര്യത്തിൽ റീഫണ്ട് ലഭിക്കുന്നതിനുള്ള നടപടിയും സ്വീകരിക്കാം.