യുഎഇ നിവാസികൾക്ക് രണ്ട് സൗജന്യ ടിക്കറ്റുകൾ; കുടുംബത്തിനും സുഹൃത്തുക്കൾക്കും കിഴിവ്
ദുബായ്: ദുബായ് മിറക്കിൾ ഗാർഡൻ പതിനഞ്ചാം സീസണിലേക്ക് വീണ്ടും തുറന്നു. മനോഹരമായ പുഷ്പ പ്രദർശനങ്ങൾക്ക് പുറമെ, ഇത്തവണ ആദ്യമായി എല്ലാ ആഴ്ചയും വ്യത്യസ്ത തീമിലുള്ള ആഘോഷങ്ങളും ഗാർഡനിൽ ഒരുക്കുന്നുണ്ട്. യുഎഇ നിവാസികൾക്കുള്ള സൗജന്യ ജന്മദിന ടിക്കറ്റ് പദ്ധതിയും ഈ സീസണിലും തുടരും.
ഗാർഡൻ ഗ്രൂപ്പ് സിഇഒ മുഹമ്മദ് സഹെർ ഹമ്മദിഹ്, സാധുവായ എമിറേറ്റ്സ് ഐഡിയുള്ള യുഎഇ നിവാസികൾക്ക് ജന്മദിനത്തോടനുബന്ധിച്ച് രണ്ട് സൗജന്യ ടിക്കറ്റുകൾ ലഭിക്കുമെന്ന് അറിയിച്ചു. കൂടെയെത്തുന്ന കുടുംബാംഗങ്ങൾക്കും സുഹൃത്തുക്കൾക്കും കിഴിവും ലഭിക്കും. ഒക്ടോബർ മുതൽ മെയ് വരെ ജന്മദിനം വരുന്നവർക്ക് ഓൺലൈനായി രജിസ്റ്റർ ചെയ്യാം. ജന്മദിനത്തിന് രണ്ട് ദിവസം മുമ്പ് ടിക്കറ്റുകൾ ഇമെയിൽ, വാട്ട്‌സ്ആപ്പ് വഴി ലഭിക്കും. രജിസ്ട്രേഷൻ സമയത്ത് ഒരു ഡിസ്കൗണ്ട് കൂപ്പണും ലഭിക്കും.
ഗാർഡന്റെ വെബ്‌സൈറ്റിൽ പരിമിതമായ എണ്ണം പ്രമോഷണൽ സൗജന്യ ടിക്കറ്റുകളും ലഭ്യമാക്കുന്ന വിഭാഗമുണ്ട്. ഇവ ആദ്യം രജിസ്റ്റർ ചെയ്യുന്നവർക്ക് ആദ്യം എന്ന അടിസ്ഥാനത്തിലായിരിക്കും നൽകുക. എന്നാൽ നിലവിൽ ഇത്തരം പ്രമോഷനുകൾ സജീവമല്ലെന്നും, ഭാവിയിൽ ടിക്കറ്റുകൾ ലഭ്യമാകുമോ എന്നത് ഉറപ്പില്ലെന്നും ഗാർഡൻ അധികൃതർ വ്യക്തമാക്കുന്നു.
No comments:
Post a Comment