സർവീസ് സെപ്റ്റംബർ 30 മുതൽ; യാത്രയ്ക്ക് 57 മിനിറ്റ് മാത്രം
ദുബൈ: ദുബൈക്കും അബൂദബിക്കുമിടയിലെ ഇത്തിഹാദ് റെയിൽ യാത്രാ ട്രെയിൻ സർവീസിനുള്ള ടിക്കറ്റ് ബുക്കിംഗ് ആരംഭിച്ചു. യാത്രക്കാർക്ക് ഔദ്യോഗിക വെബ്സൈറ്റ് വഴി ടിക്കറ്റുകൾ മുൻകൂട്ടി ബുക്ക് ചെയ്യാം. സെപ്റ്റംബർ 30 മുതലാണ് ഇരു എമിറേറ്റുകളെയും ബന്ധിപ്പിക്കുന്ന പുതിയ യാത്രാ സർവീസ് ഔദ്യോഗികമായി ആരംഭിക്കുന്നത്.
ജുമൈറ ഗോൾഫ് എസ്റ്റേറ്റിന് സമീപമുള്ള അൽ യലായിസ് സ്റ്റേഷൻ തുറക്കുന്നതോടെയാണ് യു.എ.ഇയുടെ ദേശീയ റെയിൽ ശൃംഖലയിൽ പുതിയ ഘട്ടത്തിന് തുടക്കമാകുന്നത്. പുതിയ ട്രെയിൻ സർവീസിലൂടെ ദുബൈയിൽ നിന്ന് അബൂദബിയിലേക്ക് വെറും 57 മിനിറ്റിനുള്ളിൽ യാത്ര ചെയ്യാൻ സാധിക്കും. ഇരു എമിറേറ്റുകൾക്കുമിടയിലെ യാത്ര കൂടുതൽ വേഗത്തിലാക്കാൻ പുതിയ സർവീസ് സഹായിക്കും.
ദുബൈ–അബൂദബി റൂട്ടിൽ കംഫർട്ട് ക്ലാസ് ടിക്കറ്റുകൾക്ക് ഒരു വശത്തേക്ക് 39 ദിർഹം മുതലാണ് നിരക്ക്. പ്രീമിയം ക്ലാസ് ടിക്കറ്റുകൾക്ക് 109 ദിർഹം മുതലാണ് നിരക്ക് ആരംഭിക്കുന്നത്. നിലവിൽ സർവീസ് നടത്തുന്ന അബൂദബി–ഫുജൈറ റൂട്ടിലെ കംഫർട്ട് ക്ലാസ് നിരക്കായ 55 ദിർഹത്തേക്കാൾ കുറഞ്ഞ നിരക്കിലാണ് പുതിയ യാത്രാ സൗകര്യം ഒരുക്കിയിരിക്കുന്നത്. ഇരു നഗരങ്ങൾക്കുമിടയിൽ പതിവായി യാത്ര ചെയ്യുന്നവർക്ക് പുതിയ സർവീസ് ഏറെ പ്രയോജനകരമാകും.
No comments:
Post a Comment