പ്രവാസി ജീവനക്കാര്‍ക്ക് തൊഴിലുടമയില്‍ നിന്ന് വിരമിക്കല്‍ ആനുകൂല്യങ്ങള്‍ ലഭിക്കണമെങ്കില്‍ രാജ്യം വിടണമെന്ന നിബന്ധന റദ്ധാക്കി കുവൈത്ത്

കുവൈത്ത് സിറ്റി:പ്രവാസി ജീവനക്കാര്‍ക്ക് തൊഴിലുടമയില്‍ നിന്ന് വിരമിക്കല്‍ ആനുകൂല്യങ്ങള്‍ ലഭിക്കണമെങ്കില്‍ രാജ്യം വിടണമെന്ന നിബന്ധന റദ്ധാക്കി കുവൈത്ത്. ഈ വ്യവസ്ഥ ഭരണഘടനാ ലംഘനമാണെന്ന് കോടതി വിലയിരുത്തി. 2018ല്‍ കുവൈത്ത് മാന്‍പവര്‍ അതോരിറ്റി (Kuwait Manpower Authority) കൊണ്ടുവന്ന നിബന്ധനയാണ് ഇപ്പോള്‍ കോടതി റദ്ദാക്കിയത്. കുവൈത്തില്‍ തന്നെ തുടരുന്നവര്‍ക്ക് അവര്‍ ആദ്യം ജോലി ചെയ്‍ത സ്ഥാപനത്തില്‍ നിന്ന് വിരമിക്കല്‍ ആനുകൂല്യങ്ങള്‍ നിഷേധിക്കുന്നതിനെതിരെയാണ് ഇപ്പോഴത്തെ വിധി. അതേസമയം രാജ്യത്ത് ഒരു മേഖലയില്‍ നിന്ന് മറ്റൊരു മേഖലയിലേക്ക് ഇഖാമ മാറ്റുന്നതിനും വിസ ക്യാന്‍സല്‍ ചെയ്യുന്നതിനും തൊഴിലാളികള്‍ നേരിട്ട് തൊഴില്‍ ഉദ്യോഗസ്ഥര്‍ക്ക് മുന്നില്‍ ഹാജരാകണമെന്ന് മാന്‍പവര്‍ അതോരിറ്റി അറിയിച്ചു.