Dubai Family Visa, Employment Visa, Maid Visa, Parents Visa, Medical, Emirates ID, Certificate Attestation, Health Insurance... general knowledge and educations and so on
യുഎഇ : രാജ്യത്തെ കള്ളപ്പണം വെളുപ്പിക്കൽ നിരോധന നിയമം ലംഘിച്ചതിന് യുഎഇ സെൻട്രൽ ബാങ്ക് എക്‌സ്‌ചേഞ്ച് ഹൗസിന് 352,000 ദിർഹം പിഴ ചുമത്തി. 2018-ലെ ഫെഡറൽ ഡിക്രി-നിയമ നമ്പർ 20-ന്റെ വ്യവസ്ഥകൾക്കും അതിന്റെ എക്സിക്യൂട്ടീവ് ചട്ടങ്ങൾക്കും അനുസൃതമായി രാജ്യത്ത് പ്രവർത്തിക്കുന്ന എല്ലാ എക്‌സ്‌ചേഞ്ച് കമ്പനികൾക്കും എന്തെങ്കിലും പോരായ്മകൾ പരിഹരിക്കാനും പാലിക്കൽ പരിശോധിക്കാനും മതിയായ സമയം അനുവദിച്ചിട്ടുണ്ടെന്ന് അതോറിറ്റി ചൂണ്ടിക്കാട്ടി. ഇതുമായി ബന്ധപ്പെട്ട് എന്തെങ്കിലും ലംഘനങ്ങളോ പോരായ്മകളോ ഉണ്ടായാൽ നിയമത്തിൽ അനുശാസിക്കുന്ന പിഴകളെക്കുറിച്ച് അത്തരം സ്ഥാപനങ്ങളെ അറിയിച്ചിട്ടുണ്ട്. കള്ളപ്പണം വെളുപ്പിക്കൽ തടയുന്നതിനും തീവ്രവാദത്തിന് ധനസഹായം നൽകുന്നതിനെതിരെ പോരാടുന്നതിനും രാജ്യത്തെ എല്ലാ ധനകാര്യ സ്ഥാപനങ്ങളും പ്രവർത്തിക്കുന്നു.
കുവൈത്ത് സിറ്റി : രാജ്യത്ത് ബൂസ്റ്റര്‍ ഡോസ് വാക്സിന് ആവശ്യക്കാരേറുന്നതിന്റെ തെളിവായി കണക്കുകള്‍. ശനിയാഴ്ച ബൂസ്റ്റര്‍ ഡോസ് നല്‍കുന്ന കേന്ദ്രങ്ങളില്‍ വലിയ തിരക്കാണ് അനുഭവപ്പെട്ടത്. ഇന്നലെ വരെയുള്ള ആരോഗ്യമന്ത്രാലയത്തിന്റെ കണക്കുകള്‍ പ്രകാരം ആകെ 333,000 പേര്‍ ബൂസ്റ്റര്‍ ഷോട്ട് സ്വീകരിച്ചു. രണ്ടാമത്തെ ഡോസ് സ്വീകരിച്ച്‌ 9 മാസം പിന്നിട്ടവർക്ക്‌ ബൂസ്റ്റര്‍ ഡോസ് നിര്‍ബന്ധമാക്കിയതിന്റെ പശ്ചാത്തലത്തിലാണ് വാക്സിനേഷന്‍ കേന്ദ്രങ്ങളില്‍ തിരക്ക് കൂടുതലായി അനുഭവപ്പെട്ട് തുടങ്ങിയത്. ആദ്യ രണ്ടു ഡോസ് വാക്സിന് എടുത്തവര്‍ 3,330,945 പേരാണ് (85 ശതമാനം). 32,12,103 പേര്‍ (82 ശതമാനം) ആദ്യ ഡോസ് മാത്രവും സ്വീകരിച്ചതായി ആരോഗ്യ മന്ത്രാലയം വ്യക്തമാക്കുന്നു.
ജിദ്ദ: ഈ വർഷം മൂന്നാം പാദത്തിലെ കണക്കുകൾ പ്രകാരം സൗദിയിൽ നാല് ലക്ഷം ഗാർഹിക തൊഴിലാളികൾക്ക് ജോലി നഷ്ടപ്പെട്ടതായി ജനറൽ അതോറിറ്റി ഓഫ് സ്റ്റാറ്റിസ്റ്റിക്സ് വ്യക്തമാക്കുന്നു.
ജോലി നഷ്ടപ്പെട്ട ഗാർഹിക തൊഴിലാളികളിൽ രണ്ട് ലക്ഷത്തോളം പേർ ഹൗസ് ഡ്രൈവർമാരാണ്.
2020 മൂന്നാം പാദത്തിൽ 19.4 മില്യൺ ഹൗസ് ഡ്രൈവർമാരുണ്ടായിരുന്ന സ്ഥാനത്ത് 2021 മൂന്നാം പാദത്തിൽ 1.75 മില്യൺ ഹൗസ് ഡ്രൈവർമാരാണുള്ളത്.
ഹോം ഗാർഡ്, ഹൗസ് ഫാർമർ, ടൈലർമാർ, ഹോം നഴ്സ് തുടങ്ങിയ പ്രൊഫഷനുകളിലുള്ളവരുടെ എണ്ണവും കുറഞ്ഞിട്ടുണ്ട്. അതേ സമയം ഷെഫ്, വെയ്റ്റ്രസസ്, ഹൗസ് ഹോൾഡ് മാനേജേഴ്സ് എന്നീ മേഖലയിലുള്ളവരുടെ എണ്ണം വർദ്ധിച്ചിട്ടുണ്ട്.
