ദുബൈ : ഇലക്ട്രിക് സ്കൂട്ടർ ഉപയോഗം 16 വയസിന് മുകളിലുള്ളവർക്ക് മാത്രമായി നിയമം ഉടൻ പരിമിതപ്പെടുത്താനുള്ള പ്രാബല്യത്തിൽ വരും . ദുബൈ റോഡ്സ് ആൻഡ് ട്രാൻസ്പോർട്ട് അതോറിറ്റി ( ആർ.ടി.എ ) എക്സിക്യുട്ടീവ് ഡയറക്ടർ ഹുസൈ മുഹമ്മദ് അൽ ബന്നയാണ് ഇക്കാര്യം അറിയിച്ചത് . മാർച്ചിനുള്ളിൽ നിയമം നടപ്പാക്കും . ഇ - സ്കൂട്ടുറകൾ പരീക്ഷണാടിസ്ഥാനത്തിൽ ഉപയോഗിക്കുന്ന അഞ്ച് സോണുകളിൽ നിയമം നിലവിലുണ്ട് . മറ്റ് മേഖലകളിലേക്കും ഇത് വ്യാപിപ്പിക്കും . മുഹമ്മദ് ബിൻ റാശിദ് ബൊലെവാദ് , ജുമൈറ ലേക് ടവർ , ദുബൈ ഇൻറർനാഷനൽ സിറ്റി , സെക്കൻഡ് ഡിസംബർ സ്ട്രീറ്റ് , അൽ റിഗ്ഗ എന്നിവിടങ്ങളിലാണ് നിയമം നേരത്തെ നടപ്പാക്കിയത് . ഉടൻ പത്ത് മേഖലകളിലേക്ക് കൂടി ഇ - സ്കൂട്ടർ ട്രാക്കുകൾ വ്യാപിപ്പിക്കുന്നുണ്ട് . പിന്നീട് 23 മേഖലകളിലേക്കും എത്തും . നേരത്തെ 14 വയസായിരുന്നതാണ് 16 ആക്കി ഉയർത്തുന്നത് . നിശ്ചിത ട്രാക്കിലൂടെ മാത്രമെ ഇ സ്കൂട്ടർ ഓടിക്കാവൂ എന്ന് പൊലീസ് കർശന നിർദേശം നൽകുന്നു . ഇ - സ്കൂട്ടർ യാത്രികരുടെയും കാൽനടക്കാരുടെയും വാഹനയാത്രികരുടെയും സുരക്ഷ മുൻനിർത്തിയുള്ള നിയമങ്ങളാണ് ഒരുക്കുന്നത് . ഇ - സ്കൂട്ടറുകളുടെ വേഗത പരമാവധി മണിക്കൂറിൽ 20 കിലോമീറ്ററായി നിശ്ചയിക്കും . ഹെഡ്ലൈറ്റും ടെയ്ൽ ലൈറ്റും ഉണ്ടായിരിക്കണം .
കാർ ഹോൺ പോലെയോ സൈക്ക്ൾ ബെൽ പോലെയോ ഉള്ള ഡിവൈസ് ഘടിപ്പിച്ചിരിക്കണം . മുമ്പിലെയും പുറകിലെയും വീലുകളിൽ ബ്രേക്കുണ്ടാവണം . യു.എ.ഇയിലെ ഏത് കാലാവസ്ഥയിലും ഓടിക്കാൻ കഴിയുന്ന രീതിയിലായിരിക്കണം നിർമാണം . റൈഡർമാർ ഹെൽമറ്റ് ധരിക്കണം . നിശ്ചയിച്ചിരിക്കുന്ന പാർക്കിങ് ഏരിയകളിൽ മാത്രമെ നിർത്തിയടാവു . കാൽനടയാത്രികരിൽ നിന്നും മറ്റുള്ളവരിൽ നിന്നും നിശ്ചിത അകലം പാലിക്കണം . ബാലൻസ് നഷ്ടപ്പെടുന്ന രീതിയിലുള്ള വസ്തുക്കൾ ഇ - സ്കൂട്ടറിൽ കയറ്റരുത് . ഒരാളിൽ കൂടുതൽ കയറരുത് .
No comments:
Post a Comment