യുഎഇയിലെ സ്കൂളുകളിൽ കുട്ടികളുടെ ഫോട്ടോ എടുക്കുമ്പോൾ മാതാപിതാക്കൾ ശ്രദ്ധിക്കേണ്ടത്

സ്കൂൾ കലാപരിപാടിയിലോ കായികമേളയിലോ കുട്ടിയുടെ ചിത്രം പകർത്താൻ മാതാപിതാക്കൾ ആഗ്രഹിക്കുന്നത് സ്വാഭാവികമാണ്. എന്നാൽ ഫോട്ടോയിലോ വീഡിയോയിലോ മറ്റു കുട്ടികളും ഉൾപ്പെടുന്നുണ്ടോ എന്ന് ശ്രദ്ധിക്കണം. അവരുടെ ചിത്രം ആവശ്യമായ സമ്മതമില്ലാതെ പകർത്തുകയോ പങ്കിടുകയോ ചെയ്യുന്നത് യുഎഇയിലെ സ്വകാര്യതാ നിയമങ്ങളുമായി ബന്ധപ്പെട്ട പ്രശ്നങ്ങൾക്ക് ഇടയാക്കാം. ചിത്രം മാതാപിതാക്കളുടെ സ്വകാര്യ വാട്‌സ്ആപ്പ് ഗ്രൂപ്പിൽ മാത്രം അയച്ചാലും ഈ വിഷയം പ്രസക്തമാണ്.

ദുബായിലെയും ഷാർജയിലെയും ചില സ്കൂളുകൾ, ക്യാമ്പസിൽ വിദ്യാർത്ഥികളുടെ ചിത്രങ്ങൾ എടുക്കുന്നതും മറ്റു കുട്ടികൾ ഉൾപ്പെട്ട ചിത്രങ്ങൾ അനുമതിയില്ലാതെ പങ്കിടുന്നതും സംബന്ധിച്ച് മാതാപിതാക്കൾക്കും സന്ദർശകർക്കും നിർദേശങ്ങൾ നൽകിയിട്ടുണ്ട്. ചില പരിപാടികളിൽ ഫോട്ടോ എടുക്കാൻ സ്കൂൾ അനുവദിച്ചേക്കാം. അപ്പോഴും സ്വന്തം കുട്ടിയെ മാത്രം ചിത്രീകരിക്കണമെന്ന നിബന്ധന ഉണ്ടായിരിക്കാം.

സോഷ്യൽ മീഡിയയിൽ പോസ്റ്റ് ചെയ്താൽ മാത്രമാണോ പ്രശ്നം?

അല്ല. യുഎഇയിലെ സൈബർ കുറ്റകൃത്യ നിയമത്തിലെ ആർട്ടിക്കിൾ 44, സമ്മതമോ നിയമപരമായ അനുമതിയോ ഇല്ലാതെ ഇലക്ട്രോണിക് മാർഗങ്ങളിലൂടെ ഒരാളുടെ സ്വകാര്യത ലംഘിക്കുന്നതിനെക്കുറിച്ചാണ് പറയുന്നത്. സമ്മതമില്ലാതെ മറ്റൊരാളുടെ ഫോട്ടോ എടുക്കുന്നതും അത് പകർത്തുകയോ കൈമാറുകയോ വെളിപ്പെടുത്തുകയോ സൂക്ഷിക്കുകയോ ചെയ്യുന്നതും ഈ വ്യവസ്ഥയുടെ പരിധിയിൽ വരാമെന്ന് യുഎഇ പബ്ലിക് പ്രോസിക്യൂഷൻ വിശദീകരിച്ചിട്ടുണ്ട്. വാട്‌സ്ആപ്പ് ഗ്രൂപ്പ് സ്വകാര്യമായതുകൊണ്ടുമാത്രം അവിടെ ചിത്രം പങ്കിടുന്നത് നിയമത്തിൽനിന്ന് ഒഴിവാകില്ല. ഒരു പ്രത്യേക സംഭവം കുറ്റകരമാണോ എന്നത് അതിന്റെ സാഹചര്യങ്ങൾ പരിശോധിച്ചാണ് അധികൃതർ തീരുമാനിക്കുക.

ഫോട്ടോ എടുത്താൽ ഉടൻ AED 500,000 പിഴയുണ്ടോ?

ഇല്ല. AED 500,000 എന്നത് ആർട്ടിക്കിൾ 44 പ്രകാരം ബാധകമായേക്കാവുന്ന പിഴയുടെ പരമാവധി തുകയാണ്. സ്കൂളിൽ ഫോട്ടോ എടുക്കുന്ന എല്ലാവർക്കും സ്വമേധയാ ഈ പിഴ ചുമത്തുകയില്ല. നിയമലംഘനം നടന്നതായി അധികൃതർ കണ്ടെത്തുന്ന സാഹചര്യത്തിൽ, കുറഞ്ഞത് ആറുമാസം തടവോ AED 150,000 മുതൽ AED 500,000 വരെ പിഴയോ, ഇവയിൽ ഏതെങ്കിലുമൊന്നോ ബാധകമായേക്കാം.

മാതാപിതാക്കൾ എന്താണ് ചെയ്യേണ്ടത്?

സ്കൂൾ പരിപാടിയിൽ ഫോട്ടോ എടുക്കുന്നതിന് മുമ്പ് സ്കൂളിന്റെ നിർദേശങ്ങൾ പരിശോധിക്കുക. എവിടെയാണ് ഫോട്ടോഗ്രഫി അനുവദിച്ചിരിക്കുന്നതെന്ന് ജീവനക്കാരോട് ചോദിക്കുക. കഴിയുന്നത്ര മറ്റു വിദ്യാർത്ഥികൾ ചിത്രത്തിൽ ഉൾപ്പെടാതിരിക്കാൻ ശ്രദ്ധിക്കുക. മറ്റൊരു കുട്ടിയുടെ മുഖം വ്യക്തമായി കാണുന്ന ചിത്രം പങ്കിടേണ്ടിവന്നാൽ, അതിന് ആവശ്യമായ അനുമതി ആദ്യം നേടുക.

വീഡിയോ പകർത്തുമ്പോൾ പ്രധാന ദൃശ്യത്തിനൊപ്പം പശ്ചാത്തലത്തിൽ വരുന്ന കുട്ടികളെയും ശ്രദ്ധിക്കണം. മറ്റൊരു രക്ഷിതാവ് അയച്ച സ്കൂൾ ചിത്രവും വീണ്ടും ഫോർവേഡ് ചെയ്യുന്നതിന് മുമ്പ് അതിൽ ആരൊക്കെ ഉണ്ടെന്ന് പരിശോധിക്കുക. പങ്കിടാമോ എന്ന കാര്യത്തിൽ സംശയമുണ്ടെങ്കിൽ സ്കൂളിനോട് ചോദിക്കുക.

Taking Photos at UAE Schools: What Parents Should Know About Privacy

A school performance, sports day or graduation can be a moment parents want to photograph. Before taking a picture, however, check who else is in the frame. In the UAE, photographing or sharing images of other children without appropriate consent can raise privacy concerns, even when the picture is sent only to a parents’ WhatsApp group.

Schools in Dubai and Sharjah have recently reminded parents and visitors to avoid photographing students on campus or sharing images that include other children without permission. Some schools allow photos at designated events, but their rules may still require parents to focus only on their own child.

Does the rule apply only to social media posts?

No. Article 44 of the UAE’s Cybercrimes Law addresses the use of electronic technology to invade someone’s privacy without consent or legal authorisation. The UAE Public Prosecution says the provision can cover taking a person’s photograph without consent, as well as copying, transferring, disclosing or saving it. A private group chat is therefore not automatically exempt from privacy rules. Whether a particular act is an offence depends on its circumstances and the authorities’ assessment.

Is there an automatic AED 500,000 fine?

No. AED 500,000 is the upper end of a potential fine under Article 44, not a charge that a school automatically imposes whenever someone takes a photo. If the authorities determine that an offence has occurred, the law provides for at least six months’ imprisonment, a fine from AED 150,000 to AED 500,000, or either penalty.

How can parents take photos responsibly?

Before photographing an event, read the school’s instructions and ask staff where photography is permitted. Keep other students out of the frame where possible. If another child is clearly visible, seek appropriate permission before sharing the image. Check the background of videos as carefully as the main subject, and avoid forwarding school photos received from other parents without considering the children shown in them.

If you are unsure whether an image can be shared, ask the school or keep it private. These simple checks let families preserve their memories while respecting other children’s privacy.

ഇൻഡിഗോ യാത്രക്കാർക്ക് അധിക ചെലവ്; ഇന്ധന നിരക്ക് വർധിപ്പിച്ചു

ആഭ്യന്തര, അന്തർദേശീയ സർവീസുകളിൽ ഒക്ടോബർ 6 മുതൽ പുതിയ നിരക്ക്

ന്യൂഡൽഹി:ആഗോളതലത്തിൽ വ്യോമയാന ടർബൈൻ ഇന്ധനത്തിന്റെ (ATF) വില ഉയർന്നതിനെ തുടർന്ന് ഇന്ധന നിരക്ക് വർധിപ്പിക്കുമെന്ന് ഇന്ത്യൻ വിമാനക്കമ്പനിയായ ഇൻഡിഗോ അറിയിച്ചു. ഒക്ടോബർ 6 മുതൽ ആഭ്യന്തര, അന്തർദേശീയ റൂട്ടുകളിലെ യാത്രക്കാർക്ക് പുതുക്കിയ ഇന്ധന നിരക്ക് ബാധകമാകും. ആഭ്യന്തര സർവീസുകളിൽ ദൂരത്തിന് അനുസരിച്ച് നിരക്ക് ₹375 മുതൽ ₹950 വരെയായിരിക്കും. നേരത്തെ ഇത് ₹275 മുതൽ ₹950 വരെയായിരുന്നു.

അന്തർദേശീയ റൂട്ടുകളിലെ ഇന്ധന നിരക്ക് ₹1,000 മുതൽ ₹10,000 വരെയായും ഉയരും. യാത്ര ചെയ്യുന്ന ദൂരത്തിന്റെ അടിസ്ഥാനത്തിലാണ് നിരക്ക് നിശ്ചയിക്കുന്നത്. ഏപ്രിലിലാണ് ഇൻഡിഗോ അവസാനമായി ഇന്ധന നിരക്ക് വർധിപ്പിച്ചത്. യുഎസ്–ഇസ്രായേൽ–ഇറാൻ സംഘർഷത്തെ തുടർന്നുള്ള ആഗോള വിപണിയിലെ അനിശ്ചിതത്വം കാരണം ATF വിലയിൽ വലിയ മാറ്റങ്ങളുണ്ടാകുന്നതാണ് പുതിയ വർധനയ്ക്ക് കാരണമെന്ന് കമ്പനി വ്യക്തമാക്കി. ഒക്ടോബറിൽ ആഗോളതലത്തിൽ ഇന്ധനവില പ്രതിമാസം ഏകദേശം 14 ശതമാനം ഉയർന്നതായും ഇൻഡിഗോ പറഞ്ഞു.

വിമാനക്കമ്പനികളുടെ മൊത്തം പ്രവർത്തനച്ചെലവിന്റെ ഏകദേശം 40 ശതമാനം വരെ ജെറ്റ് ഇന്ധനത്തിനാണ് ചെലവാകുന്നത്. അതിനാൽ ഇന്ധനവിലയിലെ പെട്ടെന്നുള്ള വർധന കമ്പനികളുടെ ലാഭത്തെ നേരിട്ട് ബാധിക്കും. ഇൻഡിഗോ ഈ സാമ്പത്തിക വർഷത്തെ ആദ്യ പാദത്തിൽ ₹3.82 ബില്യൺ നഷ്ടം രേഖപ്പെടുത്തിയിരുന്നു. ലാഭക്ഷമത മെച്ചപ്പെടുത്തുന്നതിനായി ഇന്ധനച്ചെലവ് കുറയ്ക്കാനുള്ള നടപടികൾ പരിഗണിക്കുമെന്ന് കമ്പനി മേയിൽ വ്യക്തമാക്കിയിരുന്നു.

Emirates Health Services to Host 40 Mental Health Awareness Events

Awareness sessions, sports activities and an international conference planned across the UAE

Dubai:Emirates Health Services (EHS) has announced plans to organise 40 mental health awareness events across the UAE as part of Mental Health Month in October. Held in cooperation with federal and local authorities, the events will be organised under the theme “Stronger Together: Awareness that Supports and Communities that Embrace.” Awareness sessions, workshops, exhibitions and sports activities will be held at healthcare centres, educational institutions and public venues across the country.

The main aim of the initiative is to reduce misconceptions and stigma surrounding mental health and create more opportunities for open discussions, said Dr Noor Al Muhairi, Director of the Mental Health Department at EHS. Technology will also play an important role in the programme, including an initiative on “Artificial Intelligence in Mental Health Treatment” at Sharjah Kuwait Hospital and a demonstration of AI-based autism detection technology at Expo.

To encourage public participation, a “Mental Health for All” marathon will be held at Khorfakkan Corniche, along with a women’s sports tournament. The activities aim to increase awareness while encouraging the community to take an active role in supporting mental wellbeing. The month-long programme will conclude with an international mental health conference featuring experts from different countries.

Sheikh Mohammed shares seven principles for life in Dubai

Strong values, not towering buildings, are the true foundation of a society, says Dubai’s Ruler

Dubai:UAE Vice President, Prime Minister and Dubai Ruler Sheikh Mohammed bin Rashid Al Maktoum has shared seven key values that citizens, residents and visitors should follow in their daily lives. The principles were presented as part of his message titled “A Letter to the Dubai Community”, aimed at preserving Dubai’s achievements and values for future generations. The message is included in his latest book, The Letters. Sheikh Mohammed says life is a responsibility, and a sense of responsibility gives life its true meaning. Employees, leaders and parents should all remain committed to society. Respecting human dignity and recognising the value of every individual is the second principle. True coexistence is possible when people respect different cultures, religions and feelings.

The third principle is to maintain excellence and accuracy in everything we do. Dedication and commitment to one’s work contribute to the progress and reputation of a nation. Humility is the fourth principle. Sheikh Mohammed recalled that Dubai began with limited resources and stressed the importance of remaining humble towards knowledge and people. Hope and optimism form the fifth principle. People should have the determination to turn challenges into opportunities and make what seems impossible possible.

Doing good and helping others is the sixth principle. Even a smile, a kind word or helping someone overcome an obstacle can be a meaningful act of kindness, Sheikh Mohammed said. Loyalty and sincerity towards the country are the seventh and final principle. He stressed the importance of remaining faithful to the nation that embraces its people, obeying its laws and taking pride in the country’s achievements and flag.

യുഎഇയിൽ ശമ്പളം വൈകിയാൽ ആദ്യം മുന്നറിയിപ്പ്; നടപടികൾ ഘട്ടംഘട്ടമായി

വേതന സംരക്ഷണ സംവിധാനത്തിൽ (WPS) നടപടിക്രമങ്ങൾ കൂടുതൽ വ്യക്തവും ഏകീകൃതവുമാക്കി

ദുബായ്/അബുദാബി: ജീവനക്കാരുടെ ശമ്പളവിതരണത്തിൽ വീഴ്ച വരുത്തുന്ന സ്ഥാപനങ്ങളെ കണ്ടെത്താൻ യുഎഇ കൂടുതൽ ക്രമബദ്ധമായ നിരീക്ഷണ സംവിധാനം നടപ്പാക്കുന്നു. WPS വഴിയുള്ള ശമ്പളവിതരണ വിവരങ്ങൾ പരിശോധിച്ച് വൈകലുണ്ടെന്ന് കണ്ടെത്തിയാൽ സ്ഥാപനത്തിന് ആദ്യം ഇലക്ട്രോണിക് അറിയിപ്പ് നൽകും. അനുവദിച്ച സമയത്തിനുള്ളിൽ പ്രശ്നം പരിഹരിച്ചില്ലെങ്കിൽ മാത്രമായിരിക്കും തുടർനടപടി.

നിലവിലുള്ള നിയമങ്ങളും ശമ്പളവിതരണ മാനദണ്ഡങ്ങളും തന്നെയാണ് തുടർന്നും ബാധകമാകുന്നത്. എന്നാൽ നിയമലംഘനം കണ്ടെത്തുന്നതിൽനിന്ന് നടപടിയിലേക്ക് എത്തുന്ന ഘട്ടങ്ങൾ കൂടുതൽ വ്യക്തമായി ക്രമീകരിക്കുകയാണ് മന്ത്രാലയം. തൊഴിലാളികളുടെ എണ്ണം കൂടുതലുള്ള നിർമാണം, ഗതാഗതം, സുരക്ഷ, ശുചീകരണം തുടങ്ങിയ മേഖലകളിൽ തൊഴിൽവിപണിയിലെ റിസ്ക് കണക്കിലെടുത്ത് പരിശോധനകൾക്ക് മുൻഗണന നൽകും.

യുഎഇയിലെ WPS സംവിധാനത്തിലൂടെ ഓരോ മാസവും 3,700 കോടി ദിർഹത്തിലധികം വേതനം കൈമാറുന്നുണ്ട്. ശമ്പളം മുടങ്ങുന്ന സാഹചര്യത്തിൽ സ്ഥാപനങ്ങൾക്ക് പ്രശ്നം നേരത്തെ തിരിച്ചറിഞ്ഞ് തിരുത്താനുള്ള അവസരം നൽകുന്നതാണ് പുതിയ രീതിയുടെ പ്രധാന ലക്ഷ്യം. അതേസമയം, സമയബന്ധിതമായി വേതനം നൽകാത്ത സ്ഥാപനങ്ങൾക്കെതിരെ ആവശ്യമായ നിയമനടപടികൾ തുടരുമെന്നും അധികൃതർ വ്യക്തമാക്കിയിട്ടുണ്ട്.

മാനസികാരോഗ്യ മാസത്തിൽ 40 പരിപാടികളുമായി എമിറേറ്റ്സ് ഹെൽത്ത് സർവീസസ്

ബോധവത്കരണ ക്ലാസുകൾ മുതൽ കായിക മത്സരങ്ങളും അന്താരാഷ്ട്ര കോൺഫറൻസും വരെ; യു എ ഇയിലുടനീളം വിപുലമായ പരിപാടികൾ

ദുബൈ:ഒക്ടോബർ മാനസികാരോഗ്യ മാസമായി ആചരിക്കുന്നതിന്റെ ഭാഗമായി യു എ ഇയിലുടനീളം 40 ബോധവത്കരണ പരിപാടികൾ സംഘടിപ്പിക്കുമെന്ന് എമിറേറ്റ്സ് ഹെൽത്ത് സർവീസസ് അറിയിച്ചു. ഫെഡറൽ, പ്രാദേശിക ഭരണകൂടങ്ങളുമായി സഹകരിച്ചാണ് ‘ഒരുമിച്ച് കരുത്തോടെ; പിന്തുണയ്ക്കുന്ന ബോധവത്കരണവും ചേർത്തുപിടിക്കുന്ന സമൂഹവും’ എന്ന പ്രമേയത്തിൽ പരിപാടികൾ നടത്തുന്നത്. വിവിധ ആരോഗ്യകേന്ദ്രങ്ങൾ, വിദ്യാഭ്യാസ സ്ഥാപനങ്ങൾ, പൊതുവേദികൾ എന്നിവിടങ്ങളിൽ ബോധവത്കരണ ക്ലാസുകൾ, ശിൽപശാലകൾ, പ്രദർശനങ്ങൾ, കായിക മത്സരങ്ങൾ എന്നിവ സംഘടിപ്പിക്കും.

സമൂഹത്തിൽ മാനസികാരോഗ്യവുമായി ബന്ധപ്പെട്ട മുൻവിധികളും തെറ്റിദ്ധാരണകളും കുറയ്ക്കുകയും ഇത്തരം വിഷയങ്ങളിൽ തുറന്ന ചർച്ചകൾക്ക് അവസരം ഒരുക്കുകയുമാണ് പരിപാടികളുടെ പ്രധാന ലക്ഷ്യമെന്ന് എമിറേറ്റ്സ് ഹെൽത്ത് സർവീസസിലെ മാനസികാരോഗ്യ വിഭാഗം ഡയറക്ടർ ഡോ. നൂർ അൽ മുഹൈരി പറഞ്ഞു. സാങ്കേതികവിദ്യയുടെ സാധ്യതകളും പരിപാടികളിൽ ഉൾപ്പെടുത്തിയിട്ടുണ്ട്. ഷാർജ കുവൈത്ത് ഹോസ്പിറ്റലിൽ ‘മനോരോഗ ചികിത്സയിൽ നിർമിത ബുദ്ധി’ എന്ന സംരംഭവും എക്സ്പോ വേദിയിൽ എ.ഐ ഉപയോഗിച്ചുള്ള ഓട്ടിസം കണ്ടെത്തൽ സാങ്കേതികവിദ്യയുടെ പ്രദർശനവും നടക്കും.

പൊതുജനങ്ങളുടെ പങ്കാളിത്തം ഉറപ്പാക്കുന്നതി

നായി ഖോർഫക്കാൻ കോർണിഷിൽ ‘എല്ലാവർക്കും മാനസികാരോഗ്യം’ എന്ന പേരിൽ മാരത്തോണും വനിതാ കായിക ടൂർണമെന്റും സംഘടിപ്പിക്കും. മാനസികാരോഗ്യത്തെക്കുറിച്ചുള്ള അവബോധം വർധിപ്പിക്കുന്നതിനൊപ്പം സമൂഹത്തിന്റെ സജീവ പങ്കാളിത്തവും ഇത്തരം പരിപാടികളിലൂടെ ലക്ഷ്യമിടുന്നു. മാസാവസാനം വിവിധ രാജ്യങ്ങളിൽ നിന്നുള്ള വിദഗ്ധർ പങ്കെടുക്കുന്ന അന്താരാഷ്ട്ര മാനസികാരോഗ്യ കോൺഫറൻസോടെയാണ് ഈ വർഷത്തെ പരിപാടികൾക്ക് സമാപനമാകുക.

ദുബൈ ജീവിതത്തിന് ഏഴ് തത്വങ്ങൾ പങ്കുവെച്ച് ശൈഖ് മുഹമ്മദ്

ഉയർന്ന കെട്ടിടങ്ങളല്ല, മികച്ച മൂല്യങ്ങളാണ് സമൂഹത്തിന്റെ യഥാർഥ ശക്തിയെന്ന് ദുബൈ ഭരണാധികാരി

ദുബൈ:പൗരന്മാരും താമസക്കാരും സന്ദർശകരും ജീവിതത്തിൽ പിന്തുടരേണ്ട ഏഴ് പ്രധാന മൂല്യങ്ങൾ പങ്കുവെച്ച് യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂം. ദുബൈയുടെ വളർച്ചയും പൈതൃകവും വരും തലമുറകളിലേക്കും കൈമാറുന്നതിനായി ‘ദുബൈ സമൂഹത്തിനായുള്ള കത്ത്’ എന്ന സന്ദേശത്തിലാണ് അദ്ദേഹം ഈ തത്വങ്ങൾ അവതരിപ്പിച്ചത്. അദ്ദേഹത്തിന്റെ പുതിയ പുസ്തകമായ ദി ലെറ്റേഴ്സിലാണ് സന്ദേശം ഉൾപ്പെടുത്തിയിരിക്കുന്നത്. ജീവിതം ഉത്തരവാദിത്തമാണെന്നും ആ ഉത്തരവാദിത്തബോധമാണ് ജീവിതത്തിന് അർഥം നൽകുന്നതെന്നും അദ്ദേഹം പറയുന്നു. ഓരോ ജീവനക്കാരനും നേതാവും രക്ഷിതാവും സമൂഹത്തോട് പ്രതിബദ്ധത പുലർത്തണം. മനുഷ്യന്റെ അന്തസ്സിനെയും മൂല്യങ്ങളെയും മാനിക്കുകയും പരസ്പരം ആദരിക്കുകയും ചെയ്യുന്നതാണ് രണ്ടാമത്തെ തത്വം. സംസ്കാരം, മതവിശ്വാസം, വികാരങ്ങൾ എന്നിവയെ ബഹുമാനിക്കുമ്പോഴാണ് യഥാർഥ സഹവർത്തിത്വം സാധ്യമാകുന്നതെന്നും അദ്ദേഹം ചൂണ്ടിക്കാട്ടി.

മൂന്നാമത്തെ തത്വം ചെയ്യുന്ന എല്ലാ കാര്യങ്ങളിലും കൃത്യതയും മികവും ഉറപ്പാക്കുക എന്നതാണ്. ജോലിയോടുള്ള ആത്മാർഥതയും സമർപ്പണവുമാണ് ഒരു നാടിന്റെ പുരോഗതിക്ക് ശക്തിയാകുന്നത്. വിനയം ജീവിതത്തിലെ നാലാമത്തെ പ്രധാന മൂല്യമാണെന്നും അദ്ദേഹം ഓർമിപ്പിച്ചു. പരിമിതമായ സാഹചര്യങ്ങളിൽ നിന്നാണ് ദുബൈ വളർന്നതെന്നും അതിനാൽ അറിവിനോടും മനുഷ്യരോടും എപ്പോഴും വിനയത്തോടെ പെരുമാറണമെന്നും അദ്ദേഹം പറഞ്ഞു. പ്രതീക്ഷയും ശുഭാപ്തിവിശ്വാസവുമാണ് അഞ്ചാമത്തെ തത്വം. പ്രതിസന്ധികളെ അവസരങ്ങളാക്കി മാറ്റാനും അസാധ്യമെന്ന് തോന്നുന്ന കാര്യങ്ങൾ സാധ്യമാക്കാനും ഉറച്ച മനസ്സും ആത്മവിശ്വാസവും വേണം.

നന്മ ചെയ്യുകയും മറ്റുള്ളവരെ സഹായിക്കുകയും ചെയ്യുന്നതാണ് ആറാമത്തെ തത്വം. ഒരു പുഞ്ചിരി, നല്ലൊരു വാക്ക്, മറ്റൊരാളുടെ വഴിയിലെ ഒരു തടസ്സം നീക്കിക്കൊടുക്കൽ എന്നിവ പോലും വലിയ നന്മകളാണെന്ന് ശൈഖ് മുഹമ്മദ് പറഞ്ഞു. സ്വന്തം നാടിനോടും രാജ്യത്തോടുമുള്ള കൂറും ആത്മാർഥതയുമാണ് ഏഴാമത്തെയും അവസാനത്തെയും തത്വം. നമ്മെ ചേർത്തുപിടിക്കുന്ന രാജ്യത്തോട് വിശ്വസ്തരായിരിക്കണം. നിയമങ്ങൾ പാലിക്കുകയും രാജ്യത്തിന്റെ നേട്ടങ്ങളെയും പതാകയെയും അഭിമാനത്തോടെ നെഞ്ചേറ്റുകയും ചെയ്യണമെന്ന് അദ്ദേഹം സന്ദേശത്തിൽ വ്യക്തമാക്കി.

ലഹരിയിൽ നിന്ന് കുട്ടികളെ അകറ്റാൻ മാതാപിതാക്കൾക്ക് ആറ് നിർദേശങ്ങളുമായി അബൂദബി പോലീസ്

കുട്ടികളിലെ പെരുമാറ്റ മാറ്റങ്ങളും ലഹരി ഉപയോഗത്തിന്റെ ആദ്യകാല ലക്ഷണങ്ങളും ശ്രദ്ധിക്കണമെന്ന് മുന്നറിയിപ്പ്

അബൂദബി:കുട്ടികളെ ലഹരി ഉപയോഗത്തിന്റെ അപകടങ്ങളിൽ നിന്ന് സംരക്ഷിക്കുന്നതിനും കുടുംബങ്ങളിൽ ആരോഗ്യകരമായ ആശയവിനിമയം ഉറപ്പാക്കുന്നതിനുമായി മാതാപിതാക്കൾക്ക് ആറ് പ്രധാന നിർദേശങ്ങളുമായി അബൂദബി പോലീസ്. കുട്ടികളുടെ പെരുമാറ്റത്തിലുണ്ടാകുന്ന മാറ്റങ്ങളും ലഹരി ഉപയോഗത്തിന്റെ പ്രാരംഭ ലക്ഷണങ്ങളും കൃത്യമായി തിരിച്ചറിഞ്ഞ് സമയബന്ധിതമായി ഇടപെടണമെന്ന് പോലീസ് നിർദേശിച്ചു.

ലഹരിയുടെ ദോഷങ്ങളെക്കുറിച്ച് കുട്ടികൾക്ക് ശരിയായ അറിവും ബോധവത്കരണവും നൽകുക, അവരുമായി തുറന്നും സൗഹൃദപരമായും സംസാരിക്കുക, ആവശ്യമായ വൈകാരിക പിന്തുണയും കരുതലും നൽകുക എന്നിവയാണ് പ്രധാന നിർദേശങ്ങളിൽ ഉൾപ്പെടുന്നത്. കുട്ടികളുടെ പെരുമാറ്റത്തിന് വ്യക്തമായ അതിർവരമ്പുകൾ നിശ്ചയിക്കുന്നതിനൊപ്പം സ്നേഹവും കരുണയും കാണിക്കണം. ശരിയായ ഉപദേശങ്ങളും മാർഗനിർദേശങ്ങളും നൽകുകയും ഏത് സാഹചര്യത്തിലും കുട്ടികൾക്ക് പിന്തുണ നൽകാൻ കുടുംബാംഗങ്ങൾ തയ്യാറായിരിക്കുകയും വേണമെന്നും പോലീസ് വ്യക്തമാക്കി.

ലഹരി ഉപയോഗം തുടക്കത്തിൽ തന്നെ തിരിച്ചറിയുന്നത് പ്രശ്നം ഗുരുതരമാകുന്നത് തടയാനും ആവശ്യമായ ചികിത്സയിലൂടെ കുട്ടികളെ വേഗത്തിൽ സാധാരണ ജീവിതത്തിലേക്ക് തിരിച്ചുകൊണ്ടുവരാനും സഹായിക്കും. കുട്ടികളെ ലഹരിയുടെ പിടിയിൽപ്പെടാതെ സംരക്ഷിക്കുന്നത് കുടുംബത്തിന്റെ സ്ഥിരതയ്ക്കും സമൂഹത്തിന്റെ സുരക്ഷയ്ക്കും ഏറെ പ്രധാനമാണെന്നും പോലീസ് ചൂണ്ടിക്കാട്ടി. സമയബന്ധിതമായ ഇടപെടലുകളും കുടുംബത്തിന്റെ തുടർച്ചയായ പിന്തുണയും ഭാവിതലമുറയെ ലഹരിയിൽ നിന്ന് അകറ്റിനിർത്തുന്നതിൽ നിർണായകമാണെന്നും പോലീസ് ഓർമിപ്പിച്ചു.

2.12-Metre Gold Giant Becomes a Major Attraction in Sharjah

Guinness-recognised display draws visitors at the Watch & Jewellery Middle East Show

Sharjah∙ A massive gold bar standing 2.12 metres tall has become one of the main attractions at the 58th Watch & Jewellery Middle East Show at Expo Centre Sharjah. Presented by Bullion Trading Company (BTC), the display has been officially recognised by Guinness World Records and measures 6 feet 11.5 inches in height.

The exhibit has been designed in the style of a giant gold measuring scale, giving visitors a chance to compare their own height with the gold structure. Built around the theme *“Measure Your Height in Gold,”* the display has also become a popular spot for visitors taking photographs alongside it.

The exhibition will continue until October 4, featuring more than 500 brands from 19 countries, including India, Italy and Singapore. The giant gold display is among the highlights attracting attention from visitors throughout the event.

ഷാർജയിൽ 2.12 മീറ്റർ ഉയരമുള്ള സ്വർണ അത്ഭുതം

ഗിന്നസ് റെക്കോർഡ് നേടിയ ഭീമൻ സ്വർണക്കട്ടി കാണാൻ എക്സ്പോ സെന്ററിൽ തിരക്ക്

ഷാർജ: 2.12 മീറ്റർ ഉയരമുള്ള ഭീമൻ സ്വർണക്കട്ടി സന്ദർശകരുടെ ശ്രദ്ധനേടി. ഷാർജ എക്സ്പോ സെന്ററിൽ ആരംഭിച്ച 58-ാമത് വാച്ച് ആൻഡ് ജ്വല്ലറി മിഡിൽ ഈസ്റ്റ് ഷോയിലാണ് ഗിന്നസ് വേൾഡ് റെക്കോർഡ്സ് അംഗീകരിച്ച ഈ സ്വർണനിർമിതി പ്രദർശിപ്പിച്ചിരിക്കുന്നത്. ബുളിയൻ ട്രേഡിങ് കമ്പനി (BTC) ആണ് ഇത് അവതരിപ്പിച്ചത്. 6 അടി 11.5 ഇഞ്ചാണ് ഇതിന്റെ ഉയരം.

വ്യത്യസ്തമായ അനുഭവമാണ് സന്ദർശകർക്കായി ഇവിടെ ഒരുക്കിയിരിക്കുന്നത്. സ്വർണത്തിന്റെ അളവുകോൽ മാതൃകയിലാണ് നിർമിതി രൂപകൽപ്പന ചെയ്തിരിക്കുന്നത്. ഇതിന് മുന്നിൽ നിന്നുകൊണ്ട് സ്വന്തം ഉയരം സ്വർണത്തിന്റെ അളവിൽ എത്രയെന്ന് നോക്കാൻ സാധിക്കും. ‘നിങ്ങളുടെ ഉയരം സ്വർണത്തിൽ അളക്കൂ’ എന്ന ആശയത്തിലുള്ള ഈ സംവിധാനത്തിനരികെ ഫോട്ടോ എടുക്കാനും നിരവധി പേരാണ് എത്തുന്നത്.

ഒക്ടോബർ 4 വരെയാണ് ഷോ നടക്കുന്നത്. ഇന്ത്യ, ഇറ്റലി, സിംഗപ്പൂർ ഉൾപ്പെടെ 19 രാജ്യങ്ങളിൽ നിന്നുള്ള 500-ലേറെ ബ്രാൻഡുകൾ പ്രദർശനത്തിന്റെ ഭാഗമായിട്ടുണ്ട്. സ്വർണാഭരണങ്ങളുടെയും മറ്റ് ജ്വല്ലറി ഉൽപന്നങ്ങളുടെയും വിപുലമായ പ്രദർശനത്തിനിടയിലാണ് ഭീമൻ സ്വർണക്കട്ടിയും പ്രധാന ആകർഷണമായി മാറിയത്.

UAE MENTAL HEALTH HELPLINES — SAVE THESE NUMBERS

Feeling overwhelmed, anxious, depressed or struggling emotionally? Help is available across the UAE.

🇦🇪 NATIONAL HOPE — 800 4673

Mental-health support and counselling. Call or WhatsApp.

🇦🇪 DUBAI — ITMA’EN: 800 506

Free mental-health support from specialised counsellors. Daily, 9am–12am.

🇦🇪 ABU DHABI — 800-SAKINA: 800 725462

24/7 psychological support from qualified mental-health professionals. Arabic & English.

🇦🇪 ISTIJABA — 800 1717

Mental-health support and urgent medical assistance. Support has been provided in Arabic, English, Hindi, French, Malayalam and Tamil.

🏥 AL AMAL — 800 8877

For “Speak, We’re Listening” mental-health support: call 800 8877 → press 2, then 2 again.

Mon–Fri, 9am–9pm

WhatsApp: 04 519 2519

🚨 Immediate emergency:

Ambulance: 998 | Police: 999

UAEയിൽ മാനസികാരോഗ്യ സഹായം ആവശ്യമുണ്ടോ? ഈ നമ്പറുകൾ സൂക്ഷിക്കാം

മലയാളം ഉൾപ്പെടെ വിവിധ ഭാഷകളിൽ സഹായവും കൗൺസിലിങ്ങും ലഭിക്കും — വിഷമങ്ങൾ ഒറ്റയ്ക്ക് നേരിടേണ്ടതില്ല.

🇦🇪 NATIONAL HOPE — 800 4673

മാനസികാരോഗ്യ പിന്തുണയും കൗൺസിലിങ്ങും ലഭിക്കും. കോളിലൂടെയും WhatsApp വഴിയും ബന്ധപ്പെടാം.

🇦🇪 ദുബൈ — ITMA’EN: 800 506

വിദഗ്ധ കൗൺസിലർമാരുടെ സൗജന്യ മാനസികാരോഗ്യ സഹായം. ദിവസവും രാവിലെ 9 മുതൽ രാത്രി 12 വരെ.

🇦🇪 അബുദാബി — 800-SAKINA: 800 725462

24 മണിക്കൂറും മാനസികാരോഗ്യ സഹായം. അറബിക്, ഇംഗ്ലീഷ് ഭാഷകളിൽ സേവനം ലഭ്യമാണ്.

🇦🇪 ISTIJABA — 800 1717

മാനസികാരോഗ്യ പിന്തുണയ്ക്കും അടിയന്തര മെഡിക്കൽ സഹായത്തിനും ബന്ധപ്പെടാം. മലയാളം, തമിഴ്, ഹിന്ദി, ഇംഗ്ലീഷ് ഉൾപ്പെടെ വിവിധ ഭാഷകളിൽ സേവനം ലഭ്യമാണ്.

🏥 AL AMAL — 800 8877

 Speak, We’re Listening” മാനസികാരോഗ്യ സഹായത്തിനായി വിളിക്കാം.

തിങ്കൾ–വെള്ളി | രാവിലെ 9 മുതൽ രാത്രി 9 വരെ

WhatsApp: 04 519 2519

🚨 അടിയന്തര സാഹചര്യം:

🚑 ആംബുലൻസ് — 998

👮 പോലീസ് — 999

ദുബായ്–അബുദാബി ഇനി റെയിൽപാതയിൽ; ഇത്തിഹാദ് റെയിൽ പാസഞ്ചർ സർവീസ് ആരംഭിച്ചു

അൽ യലായീസ് സ്റ്റേഷനിൽ നിന്ന് ആദ്യ ട്രെയിൻ പുറപ്പെട്ടു; ഷാർജ–ഫുജൈറ സർവീസിനും തുടക്കമായി

ദുബായ്/അബുദാബി: യുഎഇയുടെ പൊതുഗതാഗത രംഗത്ത് പുതിയ അധ്യായത്തിന് തുടക്കമിട്ട് ഇത്തിഹാദ് റെയിലിന്റെ ദുബായ്–അബുദാബി പാസഞ്ചർ ട്രെയിൻ സർവീസ് ഇന്ന് ആരംഭിച്ചു. ദുബായിലെ അൽ യലായീസ് സ്റ്റേഷനിൽ നിന്ന് രാവിലെ 6.14ന് ആദ്യ ട്രെയിൻ അബുദാബിയിലെ മുഹമ്മദ് ബിൻ സായിദ് സിറ്റി സ്റ്റേഷനിലേക്ക് യാത്ര തിരിച്ചു. തുടർന്ന് 7.14ന് രണ്ടാമത്തെ സർവീസും പുറപ്പെട്ടു. ഇതോടൊപ്പം ഷാർജയിലെ അൽ ദൈദ് സ്റ്റേഷനിൽ നിന്ന് ഫുജൈറയിലേക്കുള്ള പുതിയ സർവീസിനും ഇന്ന് തുടക്കമായി.

ദേശീയ പതാകയുടെ നിറങ്ങളും ‘Proud of UAE’ എന്ന സന്ദേശവും ഉൾപ്പെടുത്തിയ പ്രത്യേക അലങ്കാരത്തോടെയാണ് ആദ്യ ട്രെയിൻ സർവീസ് നടത്തിയത്. പുലർച്ചെ 5 മണി മുതൽ തന്നെ യാത്രക്കാരും കുടുംബങ്ങളും സ്റ്റേഷനുകളിൽ എത്തിത്തുടങ്ങി. തരംഗാകൃതിയിലുള്ള മേൽക്കൂരയും യുഎഇ റെയിൽ നെറ്റ്‌വർക്കിന്റെ ഭൂപടവും ഉൾപ്പെടുന്ന അൽ യലായീസ് സ്റ്റേഷന്റെ കോൺകോഴ്‌സ് വലിയ ജനത്തിരക്കിനാണ് സാക്ഷ്യം വഹിച്ചത്. യാത്രക്കാർക്കായി അറബിക് കോഫി, ഈന്തപ്പഴം, ലൂമി, റഹാഷ് ചോക്ലേറ്റ് എന്നിവയ്ക്കൊപ്പം അസീദ, ഒമാനി ഹൽവ ടാർട്ട്, ചിക്കൻ ഖമീർ തുടങ്ങിയ പരമ്പരാഗത വിഭവങ്ങളും ഒരുക്കിയിരുന്നു.

ദുബായ്–അബുദാബി റൂട്ടിൽ കോമ്ഫർട്ട് ക്ലാസ് ടിക്കറ്റുകൾ 39 ദിർഹം മുതൽ ലഭ്യമാണ്. പ്രീമിയം ടിക്കറ്റുകൾ 109 ദിർഹം മുതൽ ആരംഭിക്കും. ആദ്യദിനത്തെ ടിക്കറ്റുകൾ മിനിറ്റുകൾക്കുള്ളിൽ വിറ്റഴിഞ്ഞു. സ്റ്റേഷനിലെത്തുന്ന യാത്രക്കാർക്ക് മണിക്കൂറിന് 5 ദിർഹം നിരക്കിൽ പെയ്ഡ് പാർക്കിങ് സൗകര്യമുണ്ട്. പാർക്കിങ് മേഖലയിൽ നിന്ന് സ്റ്റേഷനിലേക്ക് എത്തുന്നതിനായി ഏകദേശം 200 മീറ്റർ അകലത്തിൽ ഷട്ടിൽ സർവീസും ഒരുക്കിയിട്ടുണ്ട്. യുഎഇയിൽ ആസൂത്രണം ചെയ്തിരിക്കുന്ന 11 റെയിൽവേ സ്റ്റേഷനുകളിൽ നാലെണ്ണം ഇതോടെ പ്രവർത്തനസജ്ജമായി.

യു.എ.ഇ വളർന്നെങ്കിലും സായിദിന്റെ മൂല്യങ്ങൾ ഇന്നും രാജ്യത്തിന്റെ അടിത്തറ

ശൈഖ് സായിദിനെ അനുസ്മരിച്ച് ശൈഖ് മുഹമ്മദിന്റെ ഹൃദയസ്പർശിയായ കത്ത്; ‘ദി ലെറ്റേഴ്‌സ്’ പുസ്തകം ഒക്ടോബറിൽ പുറത്തിറങ്ങും

ദുബൈ:യു.എ.ഇ രാഷ്ട്രപിതാവ് ശൈഖ് സായിദ് ബിൻ സുൽത്താൻ അൽ നഹ്യാനെ അനുസ്മരിച്ച് വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് അൽ മക്തൂം ഹൃദയസ്പർശിയായ കത്ത് എഴുതി. തന്റെ ജീവിതത്തിലെ നാല് പതിറ്റാണ്ട് കാലം ഗുരുവും നേതാവും പ്രചോദനവുമായി നിന്ന ശൈഖ് സായിദിനുള്ള ആദരമായാണ് കത്ത്. “യു.എ.ഇ ഇന്ന് ഏറെ വളർന്നു, എങ്കിലും രാജ്യം ഇപ്പോഴും അങ്ങയെപ്പോലെ തന്നെയാണ്” എന്ന് അദ്ദേഹം കുറിച്ചു. പരിമിതമായ വിഭവങ്ങളുള്ള കാലത്ത് സ്കൂളുകളും സർവകലാശാലകളും റോഡുകളും ആശുപത്രികളും നിർമ്മിക്കാൻ ശൈഖ് സായിദ് കാണിച്ച ദൃഢനിശ്ചയവും രാജ്യത്തിന്റെ സമ്പത്ത് ജനങ്ങളുടെ സേവനത്തിനായി ഉപയോഗിക്കണമെന്ന അദ്ദേഹത്തിന്റെ കാഴ്ചപ്പാടും കത്തിൽ ഓർമിപ്പിക്കുന്നു.

ദശലക്ഷക്കണക്കിന് ആളുകളുടെ ജീവിതത്തെ സ്വാധീനിച്ച നേതാവായിരുന്നു ശൈഖ് സായിദെന്നും വിടപറഞ്ഞ് വർഷങ്ങൾ കഴിഞ്ഞിട്ടും അദ്ദേഹത്തിന്റെ സാന്നിധ്യം ജനങ്ങളുടെ മനസ്സിൽ നിലനിൽക്കുന്നുവെന്നും ശൈഖ് മുഹമ്മദ് പറഞ്ഞു. എല്ലാ വെല്ലുവിളികളെയും മറികടന്ന് യു.എ.ഇയുടെ യൂണിയൻ യാഥാർഥ്യമാക്കാൻ ശൈഖ് സായിദിന്റെ ഐക്യബോധത്തിന് കഴിഞ്ഞു. ആ ഐക്യമാണ് ഇന്നും രാജ്യത്തിന്റെ ഏറ്റവും വലിയ ശക്തിയെന്നും അദ്ദേഹം വ്യക്തമാക്കി. നേതൃത്വം എന്നത് ജനങ്ങളെ സേവിക്കാനുള്ള ഉത്തരവാദിത്വമാണെന്നും പുരോഗതിക്കായി മാനുഷിക മൂല്യങ്ങൾ ഒരിക്കലും ഉപേക്ഷിക്കരുതെന്നും ശൈഖ് സായിദിൽ നിന്നാണ് തങ്ങൾ പഠിച്ചതെന്നും അദ്ദേഹം പറഞ്ഞു. ആഗോളതലത്തിൽ ശക്തമായ രാഷ്ട്രമായി യു.എ.ഇ വളർന്നിട്ടും രാജ്യത്തിന്റെ അടിസ്ഥാന മൂല്യങ്ങൾ ശൈഖ് സായിദിന്റെ പൈതൃകത്തിൽ തന്നെ ഉറച്ചുനിൽക്കുകയാണെന്നും കത്തിൽ ചൂണ്ടിക്കാട്ടുന്നു.

ശൈഖ് മുഹമ്മദിന്റെ പുതിയ പുസ്തകമായ ‘ദി ലെറ്റേഴ്‌സ്’ന്റെ അറബിക് പതിപ്പ് ഒക്ടോബർ ഒന്നുമുതൽ യു.എ.ഇയിലെ പ്രമുഖ ലൈഫ്‌സ്റ്റൈൽ പുസ്തകശാലകളിൽ ലഭ്യമാകും. ‘6 സീസൺസ്’ പരമ്പരയുടെ രണ്ടാം ഭാഗമായ പുസ്തകത്തിന്റെ ഇംഗ്ലീഷ് പതിപ്പ് ഒക്ടോബർ 15ന് പുറത്തിറങ്ങും. ശൈഖ് സായിദിനുള്ള കത്ത് ഉൾപ്പെടെ വിവിധ പ്രധാനപ്പെട്ട സന്ദേശങ്ങളും ഓർമക്കുറിപ്പുകളും പുസ്തകത്തിൽ ഉൾപ്പെടുത്തിയിട്ടുണ്ട്.